ترتجف كل الخلايا
يا حبيبي حبك اللي ساكن وسط الحنايا
ساكن وسط الضماير لحظة الحب ومثوله
يا حبيبي لا تخجلني ببسمات الثنايا
وانت تعرفني أضيع بنظرة العين الخجولة
والخلايا في عروقي ترتجف كل الخلايا
من غرامك ترتعش لك بنظرة العين القتوله
بس بالتالي عرفتك يوم سويت السوايا
كيف تخدع من يحبك وما عطى غيرك قبوله
غرني لمعة غرورك وخلت بك بعض النوايا
لين نفسي أقنعتني وقلت عاذل مع عذوله
وشفت وجهك ما تغير نفس شكلك والحلايا
كيف غيرت الطبايع بس كيف بهالسهوله
من عرفتك مخلص لك ما حصل مني خطايا
وأنت في درب الخطيه روّحت رجلك عجوله
وش علامك يا حبيبي قمت تطعن في حشايا
كنك موصي بطعني ولك على الطعنه عموله
تنثر همومك بقلبي في الوريد وفي الزوايا
لين زاد الهم فيني وانتخي للي يزوله
وطبعك التافه عرفته ابتعد بان الخفايا
ابتعد ما ابي كلامك ما ابي شي تقوله
نفسي ما ترضى الهزيمة رغم عذبات السجايا
وفيه في قلبي مواقع تحتدم فيها الرجوله
لا تحسبن ان التبسم لو حصل بعض الهدايا
يمتلك قلب المخضرم قلبي ما تقدر تنوله
ولو تنول اللي تنوله نلت من قلبي بقايا
ونلت انا النصر المظفر في ميادين البطوله
تحياتي
***روسانا***
« آخـــر الـــمـــشـــاركــــات »
ترتجف كل الخلايا ..........
العرض العادي
