صــآح ــب الظل الطويـل (( روآيه رآئع ـه ))

ابتسمت والله ابوي انا بيزيد يقطعني يعني عادي كف راح مثله مثل

غيره بس الكلام الي قاله هو الي جرح وللحين الجرح يدمي: شخباره عمي ان شاء الله بخير

غزل: سال عنك وجهاد قال انك تعبانه يس ماخبره التعب في خدك

غزيل: عادي كان قاله ضرسها وجابها

غزل: كان عطيتيه الحل

غزيل وهي تنسدح جمب غزيل: ماسألني

جودي: شكلكن بتنامن

غزل: تعبانات

جودي: اجل بدلو ملابسكن ونامن وانا بروح حجرتي

غزل وهي تقوم: اقول غزيل ماودك تنامين في حجرة رومنسيه وعاطفيه

غزيل وهي تقوم: امبلى بس حجرة مين

غزل: بدلي وتعالو وراي

مشينا وراها بس صدمتني هذه شو تريد من جناح جهاد

جودي: على وين

طنشتني ودخلت حجرة جهاد ورمت نفسها على السري: والله انتي كل يوم مطيحه عندي وجهاد

ماراح يرد الا الساعه تسع وحنا بنحلل سريركم وياحرام شكلك انت بعد خاطرك تنامين عليه فنامي وانت ساكته

غزيل وهي تجلس جمب غزل وتنط وهي جالسه على السرير: والله شكله مغري

..حسيت بالم من كلامهن هن مايعرفن شو من كلام قاتل صار في هـ الحجرة.. خرجت

غزيل: على وين

جودي: انا طول النهار نايمه وبروح اسويلي شغله لين يجيني نوم

غزيل: انزين بس بليس بهدوء ترانا تعبانات من قومت الصباح

جودي: ان شاءالله اوامر ثانيه يالبرنسيسات

غزل: ايه ياليت تهمزين رجولي

جودي: اقول عطيتك وجه

غزل وغزيل:هههههههههه

خرجت نزلت للمطبخ وتعلمت اليوم كم طبخه سويت ايس وسويت عيش السرايا لانه الخاله

موضي تموت عليه دائما انا اسويه وهي تضن انه الطباخه شكران هي الي تسويه

بس انا قلت لشكران انها ماتعلم احد اني اساعدها

طبعا البنات عارفات اني اشتغل بس عمرهم ماكلفوا حالهم يشوفوا انا شو اعمل

...سبحان الله دخلت البيت هذا وانا ما اعرف غير الاكلت الشعبيه الي اسويها في بيتنا

والي تتوفر مقاديرها في بيتنا..والحين اسوي شغلات كثيره


عملت اكلير الشوكلاته لاني اعرف عمي منصور يموت عليه ودخلتها برادت الحلى

بس تذكرت يعني هو عنده سكر وانا اسويله حلى حرام خلاص مانعطيه اياه بناكل انا والبنات...

بس شفت البراده يعني مافي غير هـ الاصناف الي سويتها

وحمدت ربي يعني في ناس ماعندهم غير ثلاجه وفي ناس ثلاجة الخضره لحال وبرادات

العصيرات لحاال وبرادات الحلى لحال وغير الفريزه الحمدلله على النعمه

جلست في المطبخ ماعندي شي اسويه

جودي:ممممم عمي بيخرج بكره واكيد بيجون ضيوف اجل خليني اسوي كم صنف

..قلت اجرب عليهم شي بس قبل بذوق منه اذا كان اوكي خليته واذا لا بطلعه عندي وعاد مضطره اكله...

تــــــيـــــراميـــســــو

حلى ايطالي ويعتبروه الطليان من افضل الاطباق لهم

المقادير:

-ملعقه كبيره من قهوة نسكافه

-190 غرام سكر ناعم

-صفار 4 بيضات

-500 غرام جبنه مسكتربون(جبنة كيري)

-قالب كيك اسفنجي(ممكن انها تبدل بي بيتي كويكر)قياس 9 إنش

-علبتين قشطة

-بودرة الكاكاو للرش

-اصابع شوكلاته كيت كات للتزين

التحضير:

*توضع قهوة نسكافه مع 1 غرام من السكر في وعاء للطهي مع كوب من الماء يحرك على نار

خفيفه حتى يذوب السكر يترك جانبا حتى يبرد

* يخفق صفار البيض مع بقية السكر في وعاء ثم يوضع فوق قدر من الماء الذي يغلى على مهل

* يخفق لدقيقتين بخفاقه كهربائيه

* يرفع عن النار وينقل الى وعاء بارد يخفق مجددا لمدة 3 دقائق

*تخفق المسكاربون في وعاء يضاف مزيج البيض ثم القشطه مع الاستمرار بالخفق الخفيف حتى يصبح كثيفا

*توضع طبقه من الكيك على طبق التقديم وتدهن جيدا بشراب القهوه


*تدهن بكريما الماسكاربون

*توضع عليها طبقه ثانيه من الكيك ويستكمل وضع طبقات من الشراب والكريمه والكيك حتى تنتهي بطبقه من الكريمه

* يبرد الكيك وماتبقى من اكريمه وما ان تجمد ترش ببودرة الكاكاو ويدهن ماتبقى من الكريما على الجواني

*ترص اصابع الـ كيت كات جنبا الي جنب حول الكيك

***وبالهناء والعافيه***

مداخل من الكاتبهemelyamal:أنا عن نفسي امووووووووت فيها لاجل كذا حبيت تذوقوها يم يم يم وبالنسبه للي يعملو رجيم

لاااااااااااا يجربوها لاجل مايدعوا عليا وبعد الي عندهم سكر يعني هذه الوصفه للنحاف للرشاق

استحميت وصليت الفجر وصحيت البنات وبالقوه صحو وردو ناموا مكانهم


جودي: يالله على حجرتكم اخاف يجي جهاد

غزل: وخير شعنده

غزيل: لاهو اتصل وقال الساعه اثنعش بيجون يعني باقي وقت

وردت نامت

غزل: يالخبله متى اتصل وانت نايمه

غزيل: انت كنت نايمه انا الي رديت عليه

جودي: والله انت وهي نايمات محد اتصل

غزل: تعالي نامي انا عيرت الجوال على ثماني تعني نلحق نقوم قبل يجي حبيب القلب

جودي: انزين خلينا ننام في حجرتك وحنا مطمنين

غزيل: والله لو تطمنا ماراح نصح اما كذا بنصحى يالذكيه

جودي: اوكي بس

..انسدحت مكان جهاد وانا اشم ريحته احس فيه شعور صعب قبل ماجربت هـ الاحساس

ومنت متعذبه اجل شلون وانا مجربته بس آآآآآآآه طعني في كرامتي

.. حضنت مخدته ونمت..

الساعه سبع ونص

منصور: وين البنات

موضي: نايمات جهاد خبرنا انه بتخرج تسع

جهاد: ابوي الله يهدي من الفجر وهو مصحي العالم اليوم عمي مداوم من خمس ومتعب وعناد وفي الاخير

عمي كتبله خروج وقاله انت احد ينومك طفشت العالم حرمت ياخوي معد راح امسك حالتك بعطيها واحد غيري

موضي:ههههههههههههههههه

منصور: يستاهل لسه باقي حساب ماصفى

موضي:ههههههه حرام عليك يخاف على مصلحتك

جهاد وهو يبوس راس ابوه:نورة بيتك يبه

منصور: الله يبارك فيك

جهاد وهو يوقف:بروح اخذلي شاور سريع وارد الدوام

منصور وموضي: الله وياك


دخل حجرته وانصدم بالي يشوفه هذيل شو منومهم هنا

جهاد كانت اقرب وحده منه غزيل حركت كتوفها: غزيل

صحت غزيل: خير شو تريد موعيب تدخل حجرة البنات وهم نايمات

جهاد: لا والله بيتنا واستحليتيه وحجرة غزل واستحليتيه الحين حجرتي انا بعرف شويقربونك اليهود

غزيل: عيال عمي

جهاد: ووجع قمي روحي بيتكم ووقفها وخرجها من حجرته ورد لغزل

غزل وهي تكتم ضحتها: خلاص قمت

جهاد: ابااعرف ليش نايمات هنا

غزل وهي تاشر على جودي: حرام كسرت خاطرنا قلنا ننام معاها تعرف تخاف تنام بروحها
جهاد: بره

خرجت غزل بكرامتها

تقلبت جودي وهو ناظرها وشاف كدمه خفيفه على وجهها

جهاد: الله يلعن ابليس الحين هذيل شو يفكنا من لسانهم

خذ شاور سريع وخرج وشاف جودي مثل ماهي نايمه تقرب منها ناظرها نزل راسه عند

راسها شاف خدها باسها بسرعه عليه وخرج

دق الجوال على ثمانيه قمت بسرعه ماشفت البنات رتبت الحجرة وبدلت ملابسي وخرجت

نزلت وشفتهم متجمعين

جودي: السلام عليكم ورحمة الله وبركاته

ورحت سلمت على عمي منصور

طبعا كنت منزله شعري على خدي المعلم مشكلة شعري الحين طول يضايقني لماينزل كله مو

متعوده عليه وهو طويل يعني طويل لين تحت الكتف

جودي: ماتشوف شر ياعمي

منصور: الشر مايجيك وانت شلونك الحين جهاد يقول تعبانه

جودي: الحمدلله بس ضرس العقل وجعني

..ما ادري من وين تطلع الكذبات..

منصور: اوهوو اجل جهاد مو داري عنك يحسب بس زكمه

...انصدمت ماعرفت شو اقول..

موضي: الله يهديك وين يشوفها وهو من تنومت مايبيت الاعندك

منصور:الله يهديه بس صدق والله لي يومين ماكليت حلى وخاطري اكل إكلير

موضي: لااااااا والله ماذوقه كافي الي جاك

منصور: بس قطعه افاا امون عليك

موضي: حرام عليك السكر بالقوه اعتدل عنك

منصور: خلاص باخذ الدواء ولايهمك

موضي: لا وحرام عليك يعني تبي ابر انسولين

منصور: وحده مابضر وتعرفين انه السكر عندي مو مرتفع الحمدلله كثير وانا مهتم بصحتي


وعامل حميه بس لازم كل يوم اكل جرعة حلى وقليله يعني


موضي: والغيبوبه من شو

منصور: زعلت وبس الحمدلله انتهى الموضوع

....زعل شكله جهاد قال انه بيطلقني لاجل كذا زعل والحيم انا متى اكلمه اخاف يرد يمرضى

مره ثاني اليوم بكل جهاد واشوف شو اعمل بس انا خلاص هـ المره انا الي ابا الطلاق

لانه جهاد جرح كرامتي خدش حيائي..

منصور: التقديم الاسبوع الجاي شو قررتن

غزل: انقليش

غزيل: وانا بعد

...اكتشفت اني ما اصلح لافي التمريض ولافي الطب انا كنت اخاف المس الكدمات

الي على جسمي جود هي الي كانت تعمل لي الكمادات حتى الحرق الي في فخذي جود

هي الي كانت تحط عليه فازلين وتفك كبسولت المضاد

وتحطه علي اما انا اذكر مره وحده شفته وبعد كذا صرت اغمض عيوني لما جود تنظفه لي

..بس اشلون اشلون بعيش بعد ما اطلق..تذكرت ابوي اختفى ومنيره طلعت

مو ام البنات وانا في شبابي وهي في عجزه يعني احتراما لاخواتي ولعمرها اذا جات تضربني راح امسك يدها وراح

امنعها وبدخلها حجرتها واسكر عليه اذا كنت انا وهي لحالنا

في البيت اخاف تدخل علي احد من اصحابها علي..
منصور: وانت ياجودي

تنهدت: كنت اظن اني اقدر ادخل التمريض او الطب بس اكتشفت اني ما اتحمل المناظر الي ممكن تواجهني

وسكت لاني بالفعل محتاره شو ادخل انا اخترت هـ الشيائن لاني راح اضمن بعدها الوظيفه ولان كل همي

كان تحسين وظعي واني ماراح ابات في الشارع بس نسيت شغله اذا ابوي

رد يعني برد للماضي كله آآآآه محتاره شو اقرر

غزل: شو قررتي

احترت كثير تنهدت ودي احد ينزعني نزع من هـ الدوامه: مااعرف والله محتاره صدق محتاره

غزيل: اشفيك عادي قرري واختاري اذا ماعجبك حولي السنه الي بعدها عادي كثيرين عملوا كذا

..والله انك مو عارفه شي بس صدق بادخل طب

واذا شفت اني اقدر اكمل كملت واذا شفت انه ابوي ما رد

بغير قسمي اماااااا صدق اشكر فنك ياغزيل عليك افكار جهنميه...

ارتحت وبان علي اني ارتحت: خلاص بادخل طب واذا ماعجبني الوضع بحول

موضي: بس انت قلتي انك ماتتحملين المناظر يعني اهم شي في الطب التحمل والصبر وقوة القلب

جودي: نجرب شو ورانا

موضي: سنه بضيعيها من عمرك

جودي: ما اعتقد يعني لو غير الطب كان ممكن يعني باخذ اقل شي دوره سنه

موضي: بس انا اشوف انه الطب مايناسب المتزوجات يعني عادي

اذا كنت بنت اما متزوجه صعبه ونسينا شغله مهم جهاد شو رائيه

...شو رائيه بيكون هو له رائ بيطلقني يعني ماله راي...

غزيل: خلاص انا زهقت من هـ الموضوع اذا بتستمرو فيه بروح بيتنا ولمـ تنتهو منه نادوني

منصور:هههههه انزين في شو تبينا نتكلم

غزيل: بما انك تعبان وعاطينك اجازه اربعة ايام ويعني بظل فاضي هنا في البيت خرجنا


موضي: حد ماسكك خبري امك واخرجوا معاها

غزيل: لا نبي تغير

غزل والي فهمت عليها: ايه والله فرصه وجات لحدنا نرفزها لازم نستغلها


منصور:هههههههه والله شكلكن داعيات علي

الكل:هههههههههههههه

غزل وغزيل: لا والله

غزل: يعني باباتي انت محتاج لفترة نقاها واحسن مكان نروحه

هو المدينه المنوره والله انها تشعر بالطمانينه فيها واهم شي تنسى كل همك وتعيش يوم وبس

منصور:هههههههه خلاص تم جهزو حالكم

موضي: لا شلون انت تعبان

منصور: لا بخلي السواق هو الي يسوق

موضي: خلاص تم


غزيل: طبعا ناخذ ماماتي حرام تظل هنا بروحها

غزل: ليش انت كنت حاسبه نفسك بتروحين ويانا لاعين انا وبابا وماما نرجع ايام شبابهم

غزيل: والله الفكره فكرتي ماتروحون الي ورجل قبلكم

موضي: من احماس الناس تقول رجلي فوق رجلكم وانت تقولين قبلكم

منصور: ولا الثانيه تبى ترجع شبابنا والله فكر شرايك موضي نروح انا وانت نعيد شهر العسل

موضي انحرجت بس ضحكت لما شافت اعتارض البنتين

غزل: والله باباتي توك خارج من المستشفى شلون تروح حرام تعب عليك

غزيل: لا هو قاصد يبي يرمي الغل كله على باباتي حبيبي ارجع لدوامك ضعيف ابوي ماخذ شغلك بعد

منصور:ههههههههه توهم فترة نقاهى وماادري شنو

غزل وبدلع وهي تحضن ابوها: عااااد عيد شهر عسلك بس خذنا وياكم


غزيل وهي تنط في الموضوع: والله مابنخرب عليكم حتى بالعكس بتكون

ابلة زوجتك الي هي انا وراها لاجل اعلمها الرومنسيه

موضي وهي منحرجه وترمي المخده على غزيل: ليش شايفتني جفصه

الكل:ههههههههههههههههههههههههههههه

ـــــــــــــــــــــــــــــــــ

~|~الجــــ الخامس ــــزء~|~

على الساعه وحده

كنت اشوف غزل وغزيل وهم يجهزون اغراضهم

وانا ودي اروح لها يعني في حياتي مارحت لها اكيد بحزن لاني ما اقدر اروح

غزل: جودي كلمي جهاد يخليك تروحين ويانا

غزيل بتريقه: لاعيني اخوك يخاف ينام من غيرها

جهاد: وهي صادقه اخاف انام بروحي

..هذا اشلون دخل ومتى ومحد انتبه له...

غزل: انت من وين جيت

جهاد: من الباب يعني من وين

غزل: لا موقصدي بس شو هـ الدم

...ما كنت اناظره بس لمـ قالت دم ناظرته شفت وكانه متحمم بدم حسيت بغثيان...

بسرعه عطيته ظهري يعني لو بصير طبيبه بيصيرلي كذا... اف شو هـ القرف بجد ما اقدر ادخل طب..

غزيل: الله يستر لايكون احد مات

جهاد: ما اعرف انا ساعدتهم في الجرح بس ما اعرف اذا احد مات ولا لا

غزل: ان شاءالله كلهم يعيشون

غزيل: امين

جهاد: الا صدق رايحين المدينه

غزل: شفت شلون

جهاد: الله وياكم وانتبوا على اعماركم وبطلو هبل

..ابتسمت غصب عني على تعلقيه..

غزل: اقول جهاد خلي جودي تجي ويانا

جهاد وهو يقلد غزيل: اخاف انام بروحي

غزل وغزيل:ههههههه

جهاد: جودي نزللي ملابس على بال مااخذ شاور

وقفت ورحت وانا احس اني متقززه من شكل الدم الي عليه

جهاد بتريقه ومبين عليه انه معصب: الا ارتحتوا في نومكتن

غزل وغزيل:ههههههههههه


جهاد وهو معصب: ياويل وحده فيكن تعيدها فاهمات

سكتو البنات لانهن يخافن منه لاعصب يتهور

جهاد وهو يصارخ: فاهمات

غزل وغزيل: ايه

وخرج من عندهن

ناظرو بعض غزل وغزيل:ههههههههههههههههه

رد دخل عليهن: انتو هبلات ولاشو في شي يضحك

وناظرهم وهو ياكلهم بعيونه وهن سكتن

خرج ورزع الباب وراه

نزلت الملابس وحطيتها على السرير

وجيت اخرج بس شفته داخل

رجعت

جهاد تقرب مني وانا ابتعد لين التصقت في الجدر

جهاد: عدلي اسلوبك وياي قدام اهلي وياويلك وياخرب ليلك

لو تطنشيني قدامهم وانا اكلمك ونظراتك هذه عدليها.

.كنت اناظره وانا متقززه من شكل الدم اصلا خلاص برجع ما اقدر اشم ريحت الدم

في خشمي مديت يدي ابعده عني لاجل ما يقرب اكثر..

وغصب تقشعر جسمي من كثر ما انا قرفانه من شكل الدم وريحته

جودي: انزين فهمت ابعد لازم تلصق فيني

ابتعد عني وهو ثاير دخل الحمام ورزع الباب وراه رزع

خرجت من حجرته وشفت خالتي موضي داخله..

ماعرفت شو اقولها يعني انا وهي ما نتكلم الافي الضروريات وبس

موضي: وين جهاد

جودي: يستحم

جلست موضي على الكنبه

موضي: خبريه اني ابيه ضروري

دخلت حجرته وقيت عليه الباب

جهاد وهو يصارخ: خير شوعندك

جودي: امك تبيك ضروري وهي هنا

بس صدمني خرج وهو في راسه الشمبو وجالس يعدل المنشفه على خصره

جهاد: ابوي صارله شي

حركت اكتافي باني ما اعرف بجد صدمني بحركته حتى انا ظنيت انه استوى شي

خرج بسرعه وخرجت وراه

جهاد: خير يمه ابوي صار له شي

ناظرتني موضي بقهر

موضي: لا الخير بوجهك بس كمل استحمام وابيك في كلمة راس

ناظرني وهو شوي بياكلني انا شو ذنبي هي قالت خبريه وانا خبرته وهو الي انفجع ليش يناظروني بلوم وقهر

دخلت المطبخ يعني ابعد جو التوتر خرجت إكلير في طبق وقدمته لخالتي وحسيت انها مصدومه

طبعا انا اخذت الاكلير لاجل عمي منصور مايشوفه وياكل منه

جودي: تفضلي خالتي

..كنت اتكلم وانتظر كلمه قويه منها بس شكلها مسالم اليوم..

خذت الطبق مني ومسكت الشوكه وذاقته وانا اناظرها ما ادري

ليش بس كنت اناظرها يعني شكلها مسالم والله شكل البنات كلموها

اني اروح وياهم وهي جات تكلم جهاد وووو بصراحه فرحت على افكاري...

موضي: ممكن تنزليلي قطعتنين بوديها لمنصور حزنت عليه خاطره فيها

تحمست اني اتلكم وياها شكلها مسالم وما راح اسمع كلمه تسم البدن: اصلان انا عملته

له بس تذكرت انه عنده سكر فاخذت الطبق وطلعته

موضي:ممم ونزلت الطبق من يدها خلاص باخذ هذا دام انه له

جهاد وهو خارج ولابس روب الحمام: خير يمه شو صار

موضي: كمل لبس وتعال

جلس جهاد: ما اقدر شو الموضوع

ناظرتني وتذكرت انها قالت كلمة راس سحبت نفسي ودخلت حجرة جهاد

وسكرت الباب وانسدحت على السرير ..

اصلا انا مانمت الي بعد صلاة الفجر وصحيت ثمانيه والسرير

يغريني كان رحت حجرتي بس كيف وامه هنا غمضت عيوني نمت

موضي: ما ينفع نتكلم هنا ندخل حجرة الاستقبال يكون احس

وقف جهاد بس رد جلس تذكر اللحاف والمخده: ليش لهـ الكثر الموضوع مهم

موضي وهي توقف: ايه تعال

مسك جهاد يدها: اجل تعالي نجلس في الحديقه يكون احسن( تذكرون حديقة القصر الي تهزئة فيها جودي من موضي)

جلست موضي: والله خواتك بطرانات يعني مسوين لهم حديقه وفي الاخير كرهوها

جهاد: ههههههههه يمه طفشو منها كل ما قالولكم

خرجونا قلتو لهم الحديقه وكلفنا فيها وحطينا فيها يعني طبيعي

يطفشوا منها بس اعتقد بيرجعون لها لو حطيتوا فيها تلفزيون ورسيفر اعتقد بينامون فيها

موضي:هههههههه يبيلنا بس خلهم اسفل اقل شي نشوفهم ويشوفونا

جهاد: يمه شو الموضوع

موضي: انا ماودي اتدخل في حياتك بس شفت وجه زوجتك يعني انت ماخذها لاجل تحميها من ابوها وتقوم تطقها

جهاد: يمه استفزتني

موضي: الرسول صلى الله عليه وسلم خبرنا انه الضرب ما يكون مبرح

واذا زودتها ترى الهجران يسوي مفعوله يعني اهجرها يوم اثنين ثلاث اسبوع اسبوعين وبتعقل

واذا حسيت انه الهجران ماجاب نتيجه احبسها في جناحكم واحرمها من البنات وبتشوف النتائح فوريه

ابتسم جهاد: ان شاءالله

موضي: تعلم انك تضبط قوتك ونفسك امامها ولاتمد يدك عليها

جهاد وهو يغير الموضوع: العنود بتروح وياكم

موضي الي فهمت لولدها:هههههههههه لا هي لصقه في زوجها

جهاد:ههههههه

عند السياره

غزل: وين جودي

جهاد: نايمه

غزيل: اجل سلم عليها وانتبي عليها موو

ناظرها جهاد بقهر

موضي: يالله قدام والابنخليكم

دخلت غزيل وورها غزل

بس غزل خرجت راسها

غزل: اقول جهاد اشتري لـ جودي جوال يعني يمكن تحتاجه ولا شي

هنا جهاد صدق عصب عليهن: اقول لاتدخلي نفسك في شي مايخصك

مزون: اشفيك هدي شوي ودخلت السيارة واسير ماسكه يدها

جهاد: سوسو تعالي سلمي على خلوو

اسير وهي تناظر مزون وجهاد

مزون:ههههههه روحي مابنخليك

نزلت اسير وسلمت عليه وبسرعه ردت لمزون

جهاد: شف بنت اللذينه السياره مو طايره تعالي ماشبعت

:خلاث يتفي(خلاص يكفي)

موضي: روح لزوجتك شوف شو سبب التاخير يمكن تاخذ حبوب منع حمل ولاشي

جهاد: يمه الله يهديك شو هـ الكلام

موضي: فمان الله توصي بشي

جهاد: سلامتك الغاليه

صحيت على دخلت جهاد وبسرعه وقفت وخرجت من الحجرة رحت لحجرة غزل

شفتها مظلمه وفاضيه حتى الشنط مو موجوده.

.ناظرت للساعه كانت ااربع معناتها راحوا..

انسدحت على سريرها باقي ثلث ساعه على الصلاه..

يالله كيف بتعدي الايام وانا بروحي انا يومين طلعت روحي من الطفش

غريبه حتى الوحده من جيت هـ البيت ماصرت اتحملها قبل في بيت ابوي كنت اتحبس في الحمام

وبروحي كنت الي اشعر فيه الخوف واحس بالظلم بس شعور الوحده كان خفيف لانه شعور

الظلم كان طاغي علي

على الساعه تسع ربع دخل جهاد الصاله

جهاد: السلام عليكم

جودي: وعليكم السلام

جهاد: حطيلي الاكل على مابدل هدومي

حطيت الاكل ونزل جلسنا ناكل بهدوء

جهاد: سمعت من الوالد انك بتدخلين طب

حركت راسي بايه

شفته بيوقف ناديته

جودي: جهاد ممكن نتفاهم

جلس وهو يناظرني

جودي: بكلم عمي عن الطلاق

جهاد: انسي موضوع الطلاق الحين

جودي: بس خلاص انا اريد اتطلق ابوي اختفى وشكرا لك على كل الي سويته لي

جهاد: لا والله مبروك متى اختفى ابوك

.قهرني اسلوبه تكلمت وانا اوقف: على العموم انا بكلم عمي اول مايرد بقوله اني انا الي اريد الطلاق

جهاد وقف بسرعه ومسك يدي ولفني له: لو تكلمتي بخرب عيشتك فاهمه

ولا لا شايفه الرجال تعبان وبتكملي عليه كافي الي جاله بسببك ولا هذا جزاته اني اواكي بتذبحينه

...سكت ما عرفت شو اقول..
بس صدق انا كنت ناويه اكلمه ما اقدر اعيش مع واحد مشاعري

كل يوم تكبر ناحيته وهو كل يوم يهدر كرامتي صرت احتقر نظراتي له

كانت تنظر له لاجل تكحلها وهو حتى مارحمه بنظرة عطف..

ترك يدي وراح

في صالة جناح جهاد

جود: جودي زورينا

جودي: لا انتو زوروني قولو عندنا اخت نزورها

جود: شلون ياحسره

جودي: بكلم جهاد يرميني عندكم بس اخاف انه مايرضى

جود:ههههههههههههه خلاص صار لكم ست اشهر وعليها وهو للحين ماشبع منك

جودي:ههههههههههه عاد تصدقين

جود: شلونه حبيب خاله

جودي: طلعي اشاعات طلعي

جود:ههههههههه احبك

جودي: وانا بعد احبك وهذي وبوسه اموووووووووووووووووووح

بس عدلت نفسي وعدلت السماعه كنت ابوس السماعه

نزلت عيوني على الارض: جود شو قررتي

جود: طب

جودي: وانا بعد بس اخاف

غزل: شوفي هذه مقاس جودي

غزيل: ايه اشفيك هي نفس مقاسنا

غزل: مممم اوكي

غزيل: اقول هذا يناسب جودي

غزل:ههههههههه ايه والله خذيه

غزيل: ههههه بس اخاف تشقه قدامنا

غزل:ههههه عادي بس اهم شي نضحك على شكلها

غزيل: أي لون نختار

غزل: الوردي اشوف ..وحطته على يدها.. روعه بصراحه احسه يبرز الانوثه غصب طيب

غزيل: الله يهديك هو اصلا خافي شي

غزل:ههههههه

كنت شايله حموده وابوس فيه: تجي ويايا تعبت ماما

العنود وهي تحط الصينيه: تبينه خذيه في الليل هههههه