5
صارت عندنا قضيهـ خطيرهـ جداً يوم الثلاثاء الي فات وصلت للشرطة وللمحكمة
طبعاً القضيهـ مع طلاب مدرستنا
وانا اصلاً ما اطيق مدرستنا عشان الي فيها من وكيل ومدير مو داري عنها ومسؤلين يتحكموا في الطلاب زي الخدم
فقلت فرصة الانتقام ونزلت موضوع في الانترنت في موقعي وكتبت العنوان :: (( قضية ][ الـ(جريمة) ][ الخاصهـ بطلاب ثانوية (اسم مدرستنا)..!! ))
ونزلت الموضوع بحماس وانا نيتي اشوهـ سمعت المدرسهـ يوم السبت الي هو امس
واليوم الاحد كان علينا اختبار رياضيات وجات حصة الانجليزي وكلمنا استاذ الانجليزي يخلينا نراجع الرياضيات
طبعاً انا الحمد لله ذكرت وخلص
وأنا قاعد قدام في الفصل اول واحد في وجههـ الاستاذ قلي : (هات رابط موقعك)
طبعاً انا ناسي اني نزلت موضوع عن المدرسهـ
وانا مبصوط اعطيته حرف حرف
دخل شاف بداية العنوان:: (( قضية ][ الـ(جريمة) ][ الخاصهـ...
المهم عجبه العنوان ودخل
وقاعد يقرا وأنا اشوف وجههـ يتغير
شويهـ قال : لا لا لا , هذا الموضوع ينحذف
أنا قلت : ليش عشان العنوان واسم المدرسهـ..؟؟
قال : انت عارف لو الادارة او التربية والتعليم شافوا الموضوع بإسم المدرسهـ راح تُـعاقب , الموضوع ينحذف..
قلت : خلاص ولا تزعل يا استاذ نشيل اسم المرسهـ
المهم قام من فوق مكتبهـ وقلي تعال احذفهـ
أنا ما قدرت اقول لا عشان لا يسويلي مصايب مع الادارة , كافيني المصيبهـ الي انظلمت فيها السنة الي فاتت
قمت مسحت الموضوع مسح عادي
المهم
بعد صلاة الظهر في المصلى جاء استاذ الفيزياء وقال : والله سمعت عنك كلام مو طيب يا مصباحي.
انا عرفت قصدهـ وقلتلهـ : عشان موضوع الاستاذ باسم (( الانجليزي ))
قال : انت عندك منتدى..؟؟
قلتلهـ : أفا عليك منتدى ومبرمج وخليها على ربك 
المهم سألته : مين عرف غيرك..؟؟
قال : والله توي عرفت من الاستاذ باسم وكل الاساتذهـ عرفوا
أنا هنا انفضحت
بس حركة حلوهـ ,,, موقعي راح يصير مشهور والمدرسين راح يلتفوا حولهـ
ملاحظة : اختبار الرياضيات جبت فيه 9 من 10 خخخخـ
والموضوع رجعتهـ بس شلت اسم المدرسهـ
يلا هذي الفضيحهـ اليوم يعني طازهـ
بالتوفيق
« آخـــر الـــمـــشـــاركــــات »
فضايح المدرسة
العرض العادي
