قصيدة كلماتها قويه

خسيتي لعنبو جدك،،خسيتي والغلط ينعاب
خسيتي واقلبي وجهك ولا كلمه ولا جابه..
خسيتي والزمي حدك تراها ضاعت الاداب
انا لاطاشت جنوني يعرف الجاهل ادابه..
وش المغزا من الكلمه بلا داعي بلا اسباب
وهرج الكذب والتجريح قوليلي وش اسبابه؟؟
انا الشرهه علي اني فتحت لخافقي كم باب
لكن مثل ماجيتي ترى كبر الجمل بابه!!
خذي نفسك معك برى ثم انقلعي بدون اياب
فمان الله ،،والا اقول فمان ابليس واصحابه
تحسبيني على فرقاك باندم واغرق الاهداب
انا مبسوط يوم اني طردت الشوم وغرابه!!
انا ماعاشر الخاين والا اسمع هرجه الكذاب
ومثلك قيمته عندي تحت الزيرو حسابه..
هذاك الي تحبينه حقير وخكري ولعاب
عاجبك ان قذلته شقرا ويميل بالشعر كابه..
صحيح انه حقير وشكله للنساء جذاب
تشبه باخته فلانه ومنها الدم متشابه
وانا مانيب حرف جر تجرينه على الاعراب
انا حرف(ن) جزم نفسه ومثلي يصعب اعرابه
تشوم النفس عن زينك عقب ماطاح فيها ذباب
وانا حر(ن) ولد حرتركت الزين وذبابه..
انا يابنت من ربع (ن) لهم فوق الفخر محراب
انا من روق ياخبله وربعي الهيله( عتابه)..
نسيا ماكلي (عمهوج) وكم روس بدون رقاب
رزقك الله بحكم اللي حفظ عمهوج في جرابه
انا شيخ(ن) ولد شيخ بذكره تنعم الانساب
الا قام العرب كلا،، يراجع دفتر انسابه
ولد شيخ (ن) وسط ربعه له بين الرجال حساب
اليا ضاقت به الارياء،، يهز الارض مشعابه
محنكني على الطيبه من يومي صغير وشاب
اجل وش رايك بطفل دلال القهوه العابه!!!!!
ترى بدري على مثلك تعيب وساسها معياب
ياليت الي يعيبني يحاول يستر ثيابه
انا لاجتني الزله من الجاهل وهو كذاب
تركت القافله تمشي،،، وراها تنبح كلابه
وانا ليا من كشف ان الخوي اصبح لسانه داب
نزعت السم من عرقه وكسرت بمخلبي نابه
خلاص اليوم يافلانه كرهتك والقلوب غراب
وترى كل طير(ن) بكبد السماء يشبع مخلابه
خساره مثلك بقلبي تضمه غرفة الاحباب
وخساره غلطة العاشق يحطك اول احبابه
بعد هذا تبين ارجع لاجل عينك نكون اصحاب؟؟؟؟؟؟؟؟؟؟؟؟
خسيتي واقلبي وجهك ولا كلمه ولاجابه!!!!!!!

أف..

من البداية نااااااااااار

مشكوره على قصيدتك القويه...

دمتي بخـــــــــير

وانا مانيب حرف جر تجرينه على الاعراب
انا حرف(ن) جزم نفسه ومثلي يصعب اعرابه
تشوم النفس عن زينك عقب ماطاح فيها ذباب
وانا حر(ن) ولد حرتركت الزين وذبابه..
انا يابنت من ربع (ن) لهم فوق الفخر محراب
انا من روق ياخبله وربعي الهيله( عتابه)..
نسيا ماكلي (عمهوج) وكم روس بدون رقاب
رزقك الله بحكم اللي حفظ عمهوج في جرابه
انا شيخ(ن) ولد شيخ بذكره تنعم الانساب
الا قام العرب كلا،، يراجع دفتر انسابه
ولد شيخ (ن) وسط ربعه له بين الرجال حساب
اليا ضاقت به الارياء،، يهز الارض مشعابه
كفوا وسبعة انعام يعطيك الف عافيه على الطرح الرائع

وانا حر(ن) ولد حرتركت الزين وذبابه..
انا يابنت من ربع (ن) لهم فوق الفخر محراب
انا من روق ياخبله وربعي الهيله( عتابه)..


بيض الله وجهك على ها لاالقصيده وصح لسانك
اذوووووب في القصيده !!!!!!!!!!!!!!


اخوك سعود العتيبي ,,,,,,,,,,

معصب مره اللي كاتبها

يسلمووووووووووووووووو يالغلاااااا

انا لاطاشت جنوني يعرف الجاهل ادابه..
ايووووووووووه
قويييييييييييييييه
يسلمووووووو
{انت في طريق الابداع فسلك الطريق}

الله يعطيكم العافيه
شاكره لكم المرور

قويه والله اذوب انا
يعطيك العااافيه
ننتظر ابداعاتك
تقبل مروري

مشكوره
اميره الورد
على مرورك