الحب بعد فوات الأوان

وفيه وحده ثانيه جالسه على الكرسي الخشبي برا البيت ومتسنده على يديها الي مو مغطيها شئ ولا شعرها الي يتطاير من
الهواء
ذي عبير طبعا مو لازم تلبس العباه لان مافيه احد بذي القريه موجود ولانها مهجوره

جلست من صلاة الفجر الى الساعه 6 صباحا وهي تفكر(يالله لو عمي موجود كان اروح له اليوم والله مشتاقه لك ياعمي)

عمران رايح بيحمي السياره وشاف عبير عبير الي كل يوم تزيد حلا وجمال بعيون الكل وبذات عمران
عمران تذكر انه زعلها امس وجاء من وراها ونفخ على اذنها

عبيرتناظر بنظرات بريئه:بسم الله بصراحه خوفتني

عمران:صباح الخير ياحلى عبير

عبير بابتسامه:صباح النور

عمران:مين تفكرين فيه على هالصبح

عبير تتنهد:اخخخخ افكر بعمي اتمنى اني اروح له مشتاقه له

عمران بتعجب:اي عم!!!ومستعد اوديك له

عبير:عمي ابراهيم تكفى ودني له

عمران انهبل:انشالله بعد عمر طويل انا توقعت احد قريب من هنا مناك

عبير:انا طفشانه ابي اروح اليوم ابي اطلع خذني لاي مكان احس بخنقه

عمران:للاسف اليوم عندي بيع في الصبح والعصر والمساء

عبير:بيع انت بياع

عمران تفشل:ماعليش غلط كلامي امسحيها بوجهي

عبير:بجد وش تشتغل انا عمري ماسالتك لاني ماهتم بذي الاشياء

عمران:اخاف اذا قلت لك تطلبين الطلاق

عبير:ههههههههههه اخاف تكون سفاح

عمران:ياليتني سفاح ولا بياع في بقاله

عبير متفاجئه:انت بياع في بقاله

عمران:ايه

عبير حست ان كلمتها حطمته:واحلى بياع بعد

عمران:مو زعلانه

عبير:وليه ازعل شغله شريفه

عمران:يووووووووووه نسيت احمي السياره ابحميها واجي على بال ماتطلع ذي العله

شغلها وبسررعه جاء لعبير وطلعت اخته

عمران:اووف منها اول مره تطلع بدري غثيثه ذي الاخت

زينب وهي بعيده وصوتها عالي:انا خلصت يالله

عمران بعيد وصوت عااالي:اركبي السياره

عمران:اقولك عبور انتي مو زعلانه عقب امس

عبير:لا مو وزعلانه وانا من النوع الي ازعل بسرعه وانسى بسررعه

عمران:اموووووت فيك ياحياتي

ويقطع هالجو الرومانسي الصوت المزعج زينب:عمران وينك ماحلة لك الجلسه الا اليوم طول عمرها في البيت ومو معطيها وجه


عمران:ولا كلمه وعناد فيك اليوم مافيه روحه للمدرسه يالله انزلي وانقلعي

زينب جنت وركضت له وبترجي:الا اليوم ماقدر غيبني شهر ولا اليوم تكفى الله يخليك

عمران:وليه وش معنى اليوم

زينب ارتبكت:عندي اختبار وعايدته علشاني تكفى ودني والله يفصلوني لو اغيب

عمران:انا قلت لا يعني لأ

عبير:طيب علشاني ودها خلها تروح والله مايصير يضيع كل جهدها علشان عنادتك

عمران بهدؤ وبنظرات بريئه:انا عنيد

عبيربحركات سلطه:ايه عنيد بس بتوديها اليوم يالله عاد ودها وبلا دلع رجال

عمران:حاضر ياميرتي

زينب تناظر وهي مقهوره كيف يفرق بين اخته ووحده غريبه

عبير تضحك وهي مستانسه



الكل طلع من البيت في بيت عيسى مابقى الا نوره وهي لابسه عباتها ومتغطيه وهي واقفه عند الدرج(سلم البيت)
تنتظر قدومه بفارق الصبر
نزل واحد بخطوات متثاقله رفع راسه وشاف ورجع شافته نوره

نوره:عبدالله انزل مافيه احد بالبيت الا انا(شوفوا الجرائه والثقه الي انزرعت بكثير من البنات)

عبدالله:نوره

نوره:ايه تعال انا ماناديتك الا لاني واثقه فيك

عبدالله ومنزل راسه:اخبارك نوره ومشكوره على الثقه

نوره:الحمدلله اخبار امك الا ماقلت لي هي باي مستشفى

عبدالله:في الشميسي

نوره:اتمنى انك تقبل مني هالهديه البسيطه

عبدالله رفع راسه:وش هديته

نوره:خذ

عبدالله:فتح الظرف لقى فيه مية الف ريال لا ماقدر اخذه مستحيل

نوره:والله ان تاخذه واعتبرها لانك انقذتني من باب الامتنان او لانك جارنا المهم خذه

عبدالله مستحي:شكرا نوره بس عندي سؤال

نوره:وشو؟؟

عبدالله:انتي مخطوبه

نوره:لا ليش

عبدالله:متى اكلم اهلك

نوره:مستحيل يوافقون

عبدالله:وانتي

نوره بارتباك:مادري

عبدالله:تراي ابكلمهم واقنعهم بعد مع السلامه

نوره:واتمنى ان هذي اخر مره تجي من فوق

عبدالله بابتسامه:انشالله يااااارب



زينب طلعت مع افنان
زينب:وينه

افنان:شوفيه ذاك هو الي سيارته سوداء وكشخه

زينب:والله بجد يجنن وسيارته خياليه اخ بس كذا الناس مو الهايلوكس حقتنا

افنان:روحي بس قبل مايجي اخوك

زينب راحت وصلت عنده

سالم:ياهلا وغلا بزينب حياتي

زينب مبسووووووطه :اهلين ياسالم

سالم:ياحلو اسمي من فمك
خوذي ذي الهديه الي ابيها تذكرك فيني مدى الحياة

زينب:من غير هدايا انا راح اتذكرك وهي تاخذ الهديه
وفجائه احد يمسك بعباتها وحده لابسه قفازات وعباة وتفكها زينب بقوه وتمشي بسرعه وتحاول المشرفه تمسكها وتطيحها زينب
وتشوف سيارة اخوها وتركبها بسررعه وسالم ينحاش هذي المشرفه كتبت رقم السياره علشان تعرف مين ذي البنت

مر اسبوعين وعمران في حالة مد وجزر مع عبير عبير تعودت على هالحاله وتحسنت حالت حسام
وام عبدالله سوو لها عمليه ونجحت وزادت مكالمات نوره وعبدالله وتحولت فوضولية نوره الى اعجاب ثم حب



عبدالله ونوره وش العوائق الي بتصير لهم؟؟؟

كيف حال عادل اذا عرف ان عبدالله صديقه اخذ بنت عمه الي يموت فيها؟؟

وش بتسوي المشرفه مع زينب اذا عرفتها؟وكيف بيتصرف عمران مع اخته؟؟؟

سالم وش بيسوي لزينب؟؟؟

حسام اذا طلع من المستشفى كيف بيكون استقبال اهله له؟؟؟


وش نهاية عبير وعمران؟؟؟


المشرفه للمديره

المشرفه:والله ماخلي هالبنت اني لاراقابها في الصباح إلى تنزل واشوف مين هي وبعدين ادق على اهلها يربونها

المديره:هي الي كلمتيني عنها قبل اسبوعين

المشرفه:ايه بجد بنات مايستحون على وجيههم

المديره:الله يهديها بس

المشرفه:تصدقين طيحتني على الارض قدام الله وخلقه

المديره:ههههههههههههههههه وهذا الي حارك

المشرفه:وانتي عاجبك الوضع تضحكين




حسام للدكتور

حسام:إلى متى يادكتور وانا في هالمستشفى متى اطلع

الدكتور:كلها كم اسبوع وانشالله تطلع


حسام:والله مليت مافيه احد يزورني الا امي وتجي نص ساعه وتروح

الدكتور:واخوك

حسام:اخوي مره جاني وبعدها ماشفته

الدكتور:هونها وتهون



نوره وعبدالله اتفقوا على الزواج وعبدالله قال لامه بتفصيل عن علاقة بنوره واخذوا موعد علشان يروحون لهم

عبدالله:يالله يمه بسرعه

ام عبدالله:شو باك مستعجل روق يإمي شوييه

عبدالله:اووووووف يمه تتوقعين يوافقون لي

ام عبدالله:وانتا شو ناقصك

عبدالله:بس ذولي يمه اغنياء يناظرون الناس تحت

ام عبدالله:خليها على الله وانشالله بيهونها ربك

عبدالله يتنهد:يـــــارب



ابو رامي:غريبه وش يبون فينا ذولي

ام رامي:والله مادري

رامي:يبه يمكن يبون يخطبون ابتسام

نوره تسمع وهي سااااااااكته

ابو رامي:لايخسون والله مانعطيهم بنتنا لو يموتون

ام رامي:هد اعصابك ترا ماصار شئ

انقهرت نوره وطلعت فوق


عبير كلمت ابوها علشان يوظف عمران في شركته بالقصيم وابو حسام وافق بعد اقناع

عمران جاء علشان يبي ينام ويقوم ويروح يبيع في المساء

عمران:وش فيك كذا تناظرين لي

عبير:انا عازمتك اليوم للعشاء ابي سهره لي انا وياك من يوم ماتزوجنا ماجلسنا سوا الحالنا

عمران :خلاص انشالله اجي الساعه عشر ويصير خير

عبير طلعت وسكرت الباب بهدؤ وهي مستانسه تبي تفرحه بالمفاجئه لان ابو عبير عطاه وظيفه حلوه وراتب زين
طبعا علشان بنته مو علشان عمران




زينب وهي في الغرفه الحالها تدق على سالم

زينب:الوووووووو

سالم وهو بجنب اصدقائه ويحط سبيكر وهو يستعرض(كانه مخترع له شئ)ياهلااااااااااا بهالصوت

زينب:اخبارك سلومي

سالم بابتسامة نصر وفوز:الحمدلله يازوزو انتي وينك بجد اشتقت لك

زينب:وانا اكثر

سالم:انتي شفتيني بس انا ماشفتك لازم اشوفك

زينب:ماقدر اخوي يجي بدري والله مايخليني

سالم:طيب انا عندي فكره اشوفك من غير ماقابلك

زينب باهتمام:كيف

سالم:ارسلي لي صورتك بالوسائط

زينب:لاماقدر اخاف تنتشر واذا شافها اخوي والله ان يذبحني

سالم بحزن:ليش وانتي ماعندك ثقه فيني

زينب:الا عندي بس اخاف احد ياخذ جوالك ويشوفها

سالم:وعد اني اللحين اشوفها وامسحها على طول

زينب:بس

سالم:لابس ولاشئ خلاص لاترسلينها اصلا انا البنت الي ماتثق فيني مو محتاج صورها

زينب:وش فيك زعلت خلاص اللحين ارسلها

سالم وهو مبتسم:زين وثقتي فيني كذا البنات ولا بلاش

واصدقائه يسمعون ويضحكون حتى رامي معهم اعدوه عيال اللذين


زينب صورت وهي حاطه ميك اب ومستشوره شعرها طلع شكلها حلو وارسلت الصوره

سالم:شوفو ماقلت لكم بترسلها هههههههههههههه كل واحد يفتح البلوتوث بسرررررعه هههههههههههههه

والكل يضحك وهو فرحان مايدرون(ان يوم ليك ويوم عليك مش كل يوم معاك)




زاد البرد وعمران يرتجف من البرد
رجع للبيت وراح للغرفته بيغير ملابسه وهو ناسي الموعد بس جاء عشر ونص كانت الغرفه شموع ولابسه عبير
اللبس الي عادل جابه لها لونه اسود مرصع بالكريستال والطقم الجذاب وصارت ملكة جماااااااااال لا وتغطي عليهم
والغرفه دافئه لانها مشغله المدفئه والعطورات التي
لاتقاوم مون فلور بجد رووووووووووعه والطاوله الي متنوعه من جميع الاكلات الي من يد عبير
وبصراااااااحه المنظر ينسي الواحد تعبه

عبير:الناس اذا دخلوا يقولون السلام


عمران:مبتسم السلام ياحلى زوجه في الدنيا

عبير:انا جاي على بالي ارقص انا وياك اليوم
عمران:كيف؟

عبير:الرقصه الرومانسيه وشغلة الاستيريو

عمران:لا طفيه حلوه انتي متكشخه وانا حالتي حاله خليني على الاقل اللبس لبس حلو

عبير:انت بنظري احلى الناس واحلى من ليوناردو دي كابرويو بعد

عمران:اصلا هو يتمنى يصير مثلي

عبير:ههههههههههه احلى ياواثق

وهم قربوا يخلصون من العشاءعبير:تدري اني زعلانه عليك

عمران:ليه

عبير:تاخرت نص ساعه انت قايل تجي الساعه عشر وجيت عشر ونص

عمران:وانتي ماقصرتي كل دقيقه تدقين على

عبير:وش اسوي لان عندي لك مفاجئه تنسيك وش اسمك

عمران:قوليها بسرعه تراي من زمان مافرحت

عبير:طيب بكم

عمران:بريالين

عبير:للدرجه رخيصه مفاجئتي

عمران:الي تبين بس وشي

عبير:كلمت ابوي عنك

عمران:عن وشو؟؟

عبير:ابوي وظفك وظيفه راقيه براتب عالي

عمران عصب وبصوت عالي خربت اجواء الرومانسيه كلها:ومين قالك اني ابي اتوظف عند ابوك

عبير بصوت هادئ وهي خايفه:توقعت انك بتفرح

عمران:افرح على خيبتك قاعده تطلبين من ابوك كاني مقصر في حقك ولا ماعندنا للقمه ناكلها

عبير:بس انت بتتوظف مو تطر من احد

عمران:اسمعي انت ماتتصرفين باي شئ الا بشوري زين

عبير باستفزاز:حلوه بشورك ليش انا مالي راي ماتصرف الاباذنك انا بشر مو حيوان زي مانت تعاملني

عمران ضربها كف وطاحت على الارض من قوه :ايه حيوانه يالحيوانه

عبيرراحت للدورة المياه لانها ماتبي تبين لاحد حتى لو خواته قساوته لانها تبيه دايم كبير في عيون الكل
وهي تبكي بقوه وفكرت انا وش غلطت فيه يارب وش ذنبي وش سويت له كل ماتوقع انه بيفرح مني يزعل زياده هو ليه
متقلب مزاجه ايه يمكن لانه تعبان جاي من شغله ورايح يودي اخته للمدرسه ويرجعها بجد تعب حرام(حتى وهي بهالحاله
تدور له عذر مقنع) خلوني اروح له واخليه يكمل اكله واحاول فيه الى يرضى

عمران بعد تندم على ضربته لها لانه مو متعود يضرب احد رغم عصبيته وتقلب مزاجه(هي وش سوت لي حتى اضربها
كل ذنبها انها علشان تبي تساعدني مفروض ارفض بهدؤ مو بعصبيه بس كيف اراضيها)

عبير تجي بعد ماغسلت وجهها والمكياج الي فيه وراحت له بابتسامه ساحره وعمران مستلقي على سريره
عبير:تبي تنام

عمران بهدؤ:ايه

عبير:بس ماكملت اكلك
عمران وهو مايقدر يتاسف لانه مو متعود كبريائه الزايد:شبعت

عبير:بس حرام ماكلت شئ

عمران:شبعت

عبير:طيب انا اسفه مو قصدي اني ازعلك

عمران سااااااااكت

عبير:انا لي معك تقريبا ثلاث اشهر وإلى الان مافهمتك كل ماحاول اقربلك تبعد عني(الكلمه ذي ماذكرتكم بشئ؟؟حلم عبير)

عمران:بس انتي غلطتي

عبير:قلي بوشو غلطت؟؟؟ بس ابي نتفاهم لو مره بهدؤ

عمران:انك طريتي من ابوك وظيفه

عبير:كيف اطر(يعني اتشحت) ابوي يوظف عالم ولا يوظف زوج بنته عادي انا ماشفت شئ غلط انت راح تتوظف
وتاخذ مقابلها اتعابك وراتبك وبعدين مقر وظيفة ابوي في الرياض وانت بتشتغل هنا بعيد عن اهلي

عمران:وحسام
عبير:الله يشفيه إلى الان بمستشفى الامل

عمران بقلبه احسن انشالله مايطلع:بس اذا طلع وش اسوي

عبير:مستحيل يتوظف هنا انت بتكون مستقل بدال وظيفتك بالبقاله تعب وارهاق وصباح ومساء
رح في الشركه الى ابوي مخصص لك وظيفه راقيه تليق فيك

عمران كانه اقتنع:اشوف

عبير:لاتفكر انت رح بكره وشف الوظيفه واذا ناسبتك خلاص واذا ماناسبت كيفها

عمران سرحان يفكر



نوره زعلانه على ابوها وامها لانهم رفضوه واهانوه

ابو رامي:مابقى الا واحد مانعرف ابوه مين ياخذ بنتي

ام رامي:ايو والله هذا الناقص

نوره انفجرت من تعليقات اهلها:بس يبه انت ماشاورتني

ابو رامي وقف من الفجئه:وانتي وش رايك

نوره:انا موافقه لاني انا الي بعيش معه مو انتوا

ابو رامي يمسك اعصابه لان بنته مو ناقصه ولها معامله خاصه عقب انهيارها

ابو رامي:بس كيف انتي تعرفينه

نوره:يبه تكفى وافق انا ابيه

رامي:صحيح قليلة ادب يقلدها انا ابيه

ام رامي:بس ذولي فقراء والله مايجيبون قيمة فستان لك

نوره بدموع وتوسل:الله يخليكم انا مابي الا هو

رامي:بس عادل يبيك هو قال لي

نوره:بس انا مابي الا عبدالله (وتطلع فوق بسرعه وهي تبكي)

ابتسام تناظر وهي متفاجئه وش الي يربط نوره في عبدالله وبذات انها تمت تناظر له ذاك اليوم وهي رايحه للملاهي



ام عبدالله:شفت كيف هزئونا

عبدالله:امسحيها بوجهي يمه خلاص هذي اخر اهانه لك

ام عبدالله:بس باين البنت طيبه وحبوبه وقمر

عبدالله:هذا الي جنني




نوره تروح للسريرها وتبكي تدق على جواله

نوره:الووووو

عبدالله:لاتبكين نوره

نوره:اسفه على الاهانات الي صارت علشاني

عبدالله:شوفي ماراح اخذ الا انتي لو اسوي زي الهنود واخطفك




في الدور السفلي ابتسام ورامي جالسين لحالهم
رامي:ابتسام اقولك

ابتسام وهي سرحانه في نوره:قل

رامي:شفتي البنت الي كلمتيني عنها

ابتسام فرحت:بدريه

رامي:خلاص اخطبيها قولي لاهلي واتفقي معهم

ابتسام طارت فرح وسلمت على اخوها وقالت لاهلها



عمران اخذ زينب وراحوا للمدرسه الاداريه كانت واقفه كالعاده بس هالمره جت بدري

ترقبت البنت إلى دخلت ومسكتها وعرفت رقم جوال اخوها



وش بيصير لزينب؟؟؟يمكن تموت بيد اخوها....

نوره وش بيصير لها هي وعبدالله؟؟؟يناحشون يمكن لان فيه ذا الزمن كل شئ يصير.....

عمران يقبل الوظيفه؟؟؟؟ولا ماراح تعجبه ولا طرار ويتشرط

عبير بتتحمل حركات زوجها عمران ولا لا؟؟؟؟؟

حسام كيف استقبال اهله؟؟

كيف بتكون حياة رامي؟؟؟

نشوف باقي الاحداث في الاجزاء الباقيه الاخيره




عمران تقدم للوظيفه واستقبلوه احلى استقبال ووظفوه وظيفه راقيه ومميزه ولا كان يحلم فيها وعطوه راتب مقدم
وفرحة عمران كانت كبيره في هالشغله والكل عرف انه متزوج بنت صاحب الشركه وزادوا احترام وخوف منه

المدير :طال عمرك انت تختار الي تبي ولاتفكر باي شئ واي حاجه محتاجها بس عطني الوو

عمران استغرب من المدير المرتبك قدامه:لا شكرا بس متى يبدا شغلي

المدير:طال عمرك تقدر من اللحين(طال عمرك كنايه عن عظمه الي قدامه)

عمران راح واستلم شغلته والشغل مريح وراتبه عالي




نوره جالسه في الغرفه ومضربه عن الاكل والشرب علشان يوافقون اهلها انهم يزوجونها عبدالله

العايله جالسين على الغداء
ابو رامي:الى متى عنادة نوره
ام رامي:لازم نداريها مانوقف في وجهها علشان ماترجع لها الصدمه مره ثانيه

رامي:يعني نوافق لها؟؟

ام رامي:وليه لا شوفو عبير تزوجت واحد افقر من هذا ذاك بيته معزول عن العالم وبعدين لاتنسون ان هذا ابوه صاحب اكبر
المؤسسات في الرياض

رامي اول ماسمع طاري عبير وقفت اللقمه بفمه:عطيني مويا يابتسام

ابتسام لاحظت اخوها:طيب خذ

ابو رامي:والله لو على جنازتي ماتتزوجه

صراااااااااااااااااااااااااااااااااااخ من فوق راسي اخخخخ ياراسي اخ رااااااااااسي

الاهل كلهم قاموا وعلى طول راحو لفوق شافوا نوره تصارخ وتجلس وتقوم وهي منهاره

ابتسام:كذا صار لها بالملاهي

ابو رامي يهديها :وش فيك وش صارلك

نوره كل ما يزيد صراخها باعلى صوت ويزيد مسكها لراسها

راحوا للمستشفى وبعد انتظار ساعتين والاهل قلقين عليها

الدكتور:من متى عندها الانهيار

ابو رامي:من سنتين ونص او ثلاث

الدكتور:ودايم ينعاد عليها هذا الانهيار

ابو رامي:مادري هاه يام رامي دايم يجيها

ام رامي:والله اني حتى انا مادري

الدكتور يناظر بتعجب وكانه مو مصدق الي يشوفه وتقطع حبل افكاره الصوت المرتبك الناعم الخائف ايه دايم يجيها الانهيار

الدكتور:مو معقول ابوها وامها وماتدرون شئ مؤسف بحق وحقيقه من عذر البنت وهي يصيبها الانهيارات المتعدده الي تحولت
إلى صداع الشقيقه والان تدرون وش فيها للاسف سكت الدكتور ويهز راسه بالاسف

ابو رامي:وش فيها قل

ام رامي:بسررررعه وش فيها

ابتسام ماقدرت اعضامها تشيلها وجلست لانها حاسه ان اختها فيها شئ

الدكتور:فقدان بالذاكره

رامي:وشو

الدكتور:فـقــدان بالذاكره

الكل ماتحمل المصيبه واكثر وحده هي ابتسام



عرفت المشرفه رقم عمران

المشرفه:الوووو

عمران:اهلين مين؟؟

المشرفه:السلام عليكم

عمران:وعليكم السلام

المشرفه:معاك مشرفه الثانويه الي تدرس فيها اختك زينب

عمران بخوف:ايه وش فيه

المشرفه:للاسف اقولك ان اختك في يوم الاحد وبتاريخ----

عمران:بسرعه خلصيني وش فيه

المشرفه:اختك تكلم رجال وهي طالعه من المدرسه واخذت هديه منه وسمعتها تتكلم معه وهو يتغزل فيها

عمران وعنده مسؤلين كبار وناسي عمره:انتي كذااااابه

المشرفه:اذا مو مصدق كيفك اللهم اني بلغت اللهم فأشهد مع السلامه

عمران انجن ثارت ثائرته وهو في مكانه لكنه عرف يسيطر على روحه وهو يشوف المسؤلين




رامي:يااااااارب وش هالمصايب الي تتحاذف على وحده ورا الثانيه بالبدايه زواج الي اموت فيها ومرض اختي لا مستحيل

وابتسام حالها اردى من حال اخوها يارب انت اخذت تؤامي لاتاخذ اختي يارب ورجع لها ذاكرتها ياااااارب



عمران راح للمدرسه من الساعه11 ونص قبل الخروج بساعه ومنجن مو معقول كيف تعرفت عليهم عن طريق صديقاتها
يمكن بس كيف تتواصل معهم عن طريق الجوال الله ياخذك ياعبير انتي وهديتك الي بليتينا فيها

حان الخروج طلعوا الطالبات الساعه 12 ونص وهو يحسب انهم يطلعون الساعه وحده على كلام زينب طلعت وهذا اثبت صحة
كلام المشرفه زينب على طول طلعت لان صديقاتها غايبات وهي طفشانه لانه ماكلمها من 3 ايام الي هو سالم

شافت سيارة اخوها فرحت

زينب:السلااااااااااااااام بجد مشكور انك جيت بدري(زينب ماتدري ان المشرفه كاشفتها المشرفه اخذت رقم اخوها لانها تاخرت
ماتدري انه علشان تفضحها عند اخوها)

عمران ساااااااااكت الى وصل للبيت

نزلت زينب وراحت للغرفتها بعد ماشافت اخوها متقلب المزاج محمر وجهه من العصبيه
وراح وراها عمران للغرفتها


عبير وفوزيه في المطبخ يسوون الغداء
عبير:شكلهم جوو

فوزيه:اغرفه

عبير:لا انتظري الى يغيرون ويخلصون



عمران:قولي لي بالطيبه احسن من الغصب

زينب بارتباك:وش اقولك

عمران:مــيـن تكلمين

زينب بارتباك وخوف ورعب:اكلم انا اكلم ايه اكلم صديقاتي

يمسك شعرها بقوه ويضربها على الجدار حتى سال الدم من راسهها

عبير وابتسام سمعوا صوت عمران العاااااااااالي وصراخ زينب وركضوا للغرفة زينب شافوها غرقانه في الدم

عمران:اعترفي

زينب وهي تتكلم بصعوبه من الضرب:ايه اكلم واحد اسمه سالم بس ما ما ماطلعت معه

عبير تروح للعمران وهي تفرق يده من شعرها:حرام عليك ذبحت اختك فك شعرها

فك شعرها وعطى عبير كف باقوى ماعنده

زينب تناظر عمران:ايه هي السبب انتي السبب لو ماجبتي لي الجوال كان ماعرفت سالم

زاد غضب عمران وحط الحره كلها بعبير وبدا بالضرب فيها من غير رحمه ولا شفقه شكل عبير يحزن وهو يضربها
كانها هي الي اخطت... وفوزيه تحاول تفكه وصار مثل المجنون يضرب كل الي حوله بس بزياده عبير يضربها من غير تركيز
عبير تمت طايحه في مكانها والدم مغطي وجهها وراسها وزينب بعد نفس الشئ(كيف لو عرف انها مرسله صورتها)بيذبحها

فوزيه تبكي لحال اختها ومرت اخوها

عادل:يمه ووووووووووووين الغداؤ ماصار ذا غداء ابمووووت

ام حسام:ووووووجع بسك اكل وبعدين اذا تبي شئ قل ليعقوب مو تقول لي


عادل ياكل في الصاله لحاله وهو مشتااااااق بالمرره لعبير وحسام يالله انا من زمان عن حسام تقريبا لي شهر وشوي
انا لازم اروح له اليوم
عادل راكب سيارته شغل اغنية عبدالله رويشد الخيانه وتذكر عبير لانها تحب عبدالله رويشد كثير

انا لازم اكلمها دق عليها

والغرفه هادئه من جميع الاصوات ماعدا شخير عمران ويدق جوال عبير انا مين عندي بعدك ازعجه الصوت لكنه ماقام
ودق مره ثانيه قام عمران وشاف الرقم اخوي الغالي

عرف انه عادل ورمى الجوال وطلع لقى فوزيه عند عبير الملطخه بالدم وزينب قايمه وخف الالام الضرب لكن المسكينه
النعومه الي ماتتحمل وضاربها ضرب فوق طاقتها
ناظر لهم زينب نزلت راسه وراحت وفوزيه :شيل زوجتك ودها للمستشفى تراها ماصحت من ضربك لها

عمران وهي كاسره خاااطره بالحيل بس مايبي يبين:طيب مارشيتي مويا عليها

فوزيه:الا بس ماصحت

عبير بصوت هادئ وبانين متقطع ويقطع القلب:لا مابي المستشفى خلاص قوميني يافوز ووديني غرفتي

تحاول فوزيه وهي سانده يدها عليها وتحاول وطاحت فوزيه لان فوزيه نحيفه وماتقدر
عمران:اتركيها انا ابشيلها

عبير:لا انت مابيك

عمران شالها وودها لمغسله وحاول يغسل فمها المجروح لكن صرختها من الالام خلته يوقف
عبير وهي تشوف وجهها في المرايه المتشوهه من الالام وعينها الزرقاء من الضرب والا الصداع الي تحس فيه من البكاء
عبير:وش تبي فيني مو كافي الي سويته لي من غير ذنب حرام عليك اي غلط يصير يكون السبب انا حرام وهي تبكي حرام

عمران:ماكان قصدي والله انا صرت مثل المجنون يوم عرفت انها تكلم شباب انتي اذا بمكاني وش بتسوين

عبير:ابضرب الي مالهم ذنب

عمران حس بطعنه بقلبه من هالكلمه اخذها وودها للسرير حتى تنام فيه راح واخذ الغداء من فوزيه وحاول يوكلها

عبير:لا مابي

عمران:انا جوعان ومابي اكل الا اذا اكلتي

عبير:اباكل بس توعدني انك ماتضربني

عمران:وعد

عبير اكلت وابتسمت:تصدق اول واحد ضربني حسام لاني رفضت اتزوجك واخر واحد قبلك بعد حسام لاني رفضت اني
اخليك

عمران نزلت دمعه منه وباس على راسها:انا ماستاهلك ياعبير والله ماستاهلك





الدكتور
حسام:اخبارك ياعادل وشلونك اخبار ابوي
عادل:والله الكل بخير وماتصدق البيت فاااضي بدونك

-حسام:تصدق بكره ابطلع من هالمستشفى بكره

عادل:الحمدلله ان ربي عافاك من هالمخدرات الي بليت نفسك فيه
حسام:ياشينك اذا بتنصح تراي ماقبل النصيحه من البزران
عادل:افا وش فيك قلبت على
حسام يضحك مبسوط:ههههههههههههههههههههههههه
عادل:انشالله دوم مو يوم ياخوي
حسام:تراي امزح معك مو تصدق كلامي
عادل:ادري هالمستشفى رباك
حسام:وانت الصادق هالسجن رباني
عادل:الحمدلله
حسام:تتوقع لو اجي لابوي بكره بيرضى على
عادل:حاول كم مره وشف اكيد بالبدايه بيرفض وبعدين اذا شافك استقمت بيرضى عليك
حسام يتنهد:اخ بس اعرف ابوي عنيد واكثر شئ يهمه هو كلام الناس



في المستشفى
الدكتور:لازم البنت اذا تبون ترجع لها الذاكره ودوها للاماكن الي تحبها وعطوها كل شئ تتمناه قبل الحادثه زين
ابو رامي:طيب اقدر اشوفها اللحين
الدكتور:طبعا تقدر لازم تشوف الي تعرفهم حتى ترجع لها الذاكره

ابو رامي وام رامي وابتسام دخلوا عند عبير الي جالسه على السرير وتناظر مكان وهي منسجمه فيه وتناظر له بتركيز

ابتسام خلاص ميته بكاء وهي تشوف حال اختها كذا

ابو رامي:انا السبب لو حققت لها اخر امنيه كان ماصار لها الي صار

ام رامي:انا امها ولا اهتميت لحالها اهملتها اه اه وهي تبكي

ابتسام تمسك كتف نوره وتهزه نوره نوره عرفتيني

نوره تناظر بنظرات تعجبيه!!!شعور صعب اذا بنت ماتعرف اهلها شعور مرعب

حاولوا فيها لكن من دون جدوى

وهم في البيت ولكل سرحان يفكر وتفكيرهم كلهم واحد هي نوره

ابتسام:يبه انت شف ولد جارنا اذا الى الان يبيها خلاص نتم الزواج
ام رامي:بجد انتي مو صاحيه
ابو رامي:ايوالله مو صاحيه كيف بيوافق والبنت صارت .......(سكت ماكمل)
ابتسام:انت يبه شف وماراح نخسر شئ الدكتور يقول سوو كل الي نفسها فيه
ام رامي:ايوالله خلنا نحقق امنيتها الاخيره

ابو رامي:اشوف


تلفون نوره دق لكن لامجيب المكلمات التي لم يرد عليها53 مكالمه

عبدالله جن وش فيها نوره لايكون سوو فيها شئ





حسام طلع من المستشفى بعد قضاء شهرين فيه وطلع يالله يازين الهواء والشمس والناس اشتقت للعالم اخ بس
لو بيدي كان فجرت هالمستشفى هههههههههههه بجد انا ناكر معروف عقب ماعالجوني ابفجره ههههههههههه
(حسام استخف يكلم روحه)


حسام اللحين بروح للشركه ابفاجئ ابوي بس عسى مايهزئني قدام الموظفين

راح للشركه والكل يضحك في ووجهه ويتكلم من وراه دخل مكتب ابوه
ابو حسام وهو لابس النظاره ومنهمك يقرا المعاملات رفع راسه للي داخل من غير اذن؟؟
شاف حسام
ابوحسام بعصبيه:وش تبي؟؟ تبي تكمل الناقص
حسام:يبه انا الحمدلله اتعالجت واللحين عافي متعافى
ابوحسام بحزم:اطلع برا برا
حسام:يبه الله يسامح عباده على الغلط ليش ماتسامح ولدك اذا غلط ليه يبه سامحني تكفى
ابوحسام:بتطلع ولا انادي السيكورتي يجرجرك من اذنك
حسام:يبه بطلع بس ابرجع وكل غرضي ونيتي هي رضاك
طلع حسام ومايدري وين يروح ايه مالي اروح الا للبيت ابوي طردني من الشركه مو من البيت
راح للبيت امه استقبلته بترحيب وسلام حار


عبدالله شاف عبدالرحمن اخو نوره في الشارع لانه غايب
عبدالله:اخبارك دحومي
عبدالرحمن:انا طيب
عبدالله:وش فيكم اليوم(يبي يجره بالكلام علشان يعرف وش فيه)
عبدالرحمن:انا غايب لان مافيه احد يوديني والسواق امي راحت معه للمستشفى

عبدالله:ليه وش فيه بالمستشفى
عبدالرحمن:نوره تعبانه
عبدالله مشى وراح عنه من غير تفكير
عبدالرحمن وش فيه هذا بجد مجنون
عبدالله الي خايف منه صار اخ بس وش اسوي اللحين اوووف


عمران صار موظف كبير ومهم في الشغل لانه اثبت جدارته وللواسطه دور بعد
وصار مايكلم زينب ابد وقطعها عن المدرسه الى الابد وكسر جوالها بس عقب وش ايه زين وصلت الى هنا بس وش بيسوي
عمران اذا شاف الصور الله العالم
عمران صارت له شله من الوظفين في الشغل وكل يوم يسهرون الى الساعه 2 الليل بس مايتاخر عن عمله لانه شاف العز

عمران وهو داخل للبيت:السلام
الكل:وعليكم السلام الا زينب طلعت وراحت لغرفتها الكل متكبر في هالبيت مايعرفون يتاسفون ناس فيها تخلف
عبيروهي قايمه:ابروح اجيب لك الغداء

فوزيه:اخبار شغلك ياخوي

عمران:الحمدلله ماشي

كالعاده تغدى وراح ينام ويداوم في العصر ويروح مع اصدقائه الى وحده او ثنتين في نص الليل وعبير حست بملل من حالته

عبير مانسجمت كثير مع فوزيه لانها ماتتكلم كثير ومو راعية مكياج وسوالف الفساتين
عبير راحت لزينب:اغرف لك غداء
زينب:اووووف مابي شئ اطلعي برا وصكي الباب


عادل وابو حسام وصلوا للبيت وحسام جالس يتغدى لانه ميت جووع

عادل:حسام هنا ياهلاااااااا فيك ياخوي اخبارك ويسلم عليه بحراره مع انه امس شافه الا انهم اشتاقوا لبعض

ابوحسام:من غير مأسمع ولا كلمه اطلع برا ولا اشوفك بذا البيت

حسام نزل راسه وطلع
ام حسام:حرام عليك خلاص الولد تاب (ولحقت ولدها وعطته رقم حسابها في البنك ياخذ الي يبي منه

عادل:ييبه مايصير والله حرام عليك البيت ذا يضيع واحد ورا الثاني الاولى عبير وبعدها حسام والجاي انا

حسام مايدري وين يروح مافكر الا باخته عبير يروح لها بالقصيم


حسام جلس يومين بشقه مفروشه وبعدها سافر للقصيم بيروح لعبير لانه مشتاق لها


ياترى وش بيصير بين حسام وعمران وعبير وكيف اخته وصديقه بيستقبلونه؟؟؟

كيف بتكون ردة فعل عبدالله اذا عرف ان نوره فاقده الذاكره؟؟

ووووش بيصير لعبير من احداث مشوقه؟؟؟

تتوقعون ترجع الذاكره لنوره؟؟

اذا عرضوا اهل نوره لعبدالله الزواج بيوافق ولا ام الجحده يعني بيطنش زي باقي الرجال؟؟

ابوحسام يسامح حسام ولا يتبرا منه؟؟

اذا انتشرت صور زينب وش بيسوي عمران؟؟؟
حسام وصل لمطار بريده وبيروح لعبير لانه بيجلس عندها كم يوم لانه مشتاق لها
في العصر
عبير وهي برا جالسه على الكرسي الخشبي
دموعها تنزل وهي حزينه طفشانه الحالها ومن اول ماتزوجت عمران ماطلعها ولا مره وهي متزوجه من ست اشهر ولا شهر عسل ولاغيره
وهي مشتاقه لأهلها واخوانها والاسواق لانها راعيه اسواق ومطاعم مو جلسة بيت ومن زمان ماغيرت لوكها ولاصبغت
وسوت حركات البنات

عمران جاء لها:وش فيك عبير محزنه وحالتك حاله
عبير بحزن:احس بملل وضيقة خلق انا مليت من الجلسه في البيت
عمران بتمهزئ:ووين بالله عليك تبيني اوديك
عبير:ودني لاي مكان احس بخنقه والله مليت من يوم ماتزوجتني ماطلعتني ولامره
عمران:شوفي فوزيه وزينب مثلك مانتي احسن منهم
عبير قامت معصبيه:زينب تشوف صديقاتها قبل بالمدرسه وتشوف ناس وفوزيه لاتقارني فيها
عمران:والله اشوف صارلك موال جديد وليش ماقارنك في خواتي الاخت مو قد المقام
عبير ودموعها تنزل وبرجاء:خواتك مو مثلي هم متعودين على جلسة البيت انا مايمر يومين الا اطلع في بيت اهلي
عمران:هذا ببيت اهلك مو هنا تعودي على الجلسه
عبير:حرام عليك خذني لاي مكان ابي اروح لخوالي اشتقت لهم
عمران:انا متواعد انا وخوياي(اصدقائي)
عبير:طيب عطني يوم اكلمك فيه
عمران:باي موضوع؟؟
عبير بملل:بموضوع الطلعه ابي اشم هواء
عمران:شوفي انشالله بكره اتمشى انا وياك في ذيك الجبال جبال قرية قطن
عبير:وشو قطن ؟؟
عمران:اسم القريه فيها جبال كبيره ذيك تشوفينها بكره اوديك لها انشالله استاذن من العمل ونروح الصبح انا وانتي وخواتي

عمران راح وعبير انقهرت يوم عرفت ان خواته بيروحون لان بذات زينب تدور الحبوب على الدروب(يعني مشكلجيه)
وهي ماتبيها



بعد صلاة المغرب طلع من المسجد ابو رامي وكان عبدالله يمشي قدامه وهو متحطم ومحزن كثير على حال نوره الي
مايدري وش فيها ابو رامي ينادي:عبدالله
عبدالله التفت بسرعه وكانه يبي يشوف ضالته الي ضايعه عنه من زمان شاف ابو نوره يناديه جاء له:هلا بغيتني
(لانه سلم عليه قبل الصلاه بس ابو رامي ماقال شئ بوقتها)
ابو رامي:ايه اقولك نوره الي خطبتها مني قبل كم يوم ذكرتها هاه(وكانه ابو رامي مايدري شيقول من الصدمه الي حلت فيه)
عبدالله:وكيف تبيني انساها اكيد اتذكرها بس وش فيها
ابو رامي:كانت موافقه عليك وحنا رافضين وزعلت واضربت عن الاكل يومين وبعدين صار لها انهيار وصراخ وديناها للمستشفى
قالوا انها فقدت الذاكره
عبدالله وكانه مو مصدق:لالاااااااااااااااااااوانا السبب صح
ابو رامي:لا اهمالي هو السبب انتي اذا الى الان شاريها نملك عليها وتاخذها واذا ماتبيها اعطيك ثروتي كلها بس حاول ان
تتخفف عنها يمكن ترجع لها الذاكره بسببك
عبدالله:كيف مابيها انا الى الان شاريها خلاص طيب اقدر ازورها هي بالبيت ولا بالمستشفى
ابو رامي:في المستشفى وتقدر تزورها بعد مانملك عليها
عبدالله:طيب خلاص اللحين املك تكفى ياعمي
ابو رامي:صار نملك اللحين



في بيت ابو حسام
ابو حسام:ابسافر لمصر اذا تبون تسافرون معي انا ماعندي مانع لان هالمره شغلي بسيط
ام حسام:ياعمري ياعبير تموت في مصر لو انها معنا كان رحت معك
عادل:طيب عادي يمه نقول لها واذا بتروح رحنا كلنا
ام حسام:خلاص نقولها قبل مانسافر بيومين اذا تاكدنا من هالروحه
عادل:بس يبه متى السفر

ابو حسام:الاسبوع الجاي
ام حسام:شفت اخر اخبار نوره واعلى عليها المسيكينه
عادل فز واستحى يقول وش فيها
ابو حسام:ايه عرفت الله يكون في عونها وفي عون اهلها
عادل:طيب وش فيها تراكم خوفتوني
ام حسام:وانت وش دخلك
عادل:مو بنت عمي وو و
ابو حسام:ههههههههه لايكون تحبها تراها مو نت نصيبك
عادل جن:طيب وش فيها انا مو فاهم شئ
ام حسام:ياطويل العمر بنت عمك فقدت الذاكره تدري ليه لان اهلها رفضوا اللي تقدم لها
عادل:فاقده الذاكره كيف وليه ومين الي خطبها


حسام استاجر له سياره ووصل بيت عبير وعمران وكانت عبير طفشاااااااااانه بششكل ومشتاقه للناس والعالم
طق الباب والكل استغرب لان ماهي من عوايد احد انه يجون لهالبيت الا زملاء عمران كل خميس وجمعه

عمران فتح الباب وشاف الفاجعه حسام مو معقول وتغيرت هيئته من مدمن الى انسان عادي
عمران بغضب:حسام وش جايبك ووش الي ذكرك فينا
حسام:السلام عليك
عمران:ووووووووش تبي
حسام:ابسلم على اختي عبير
عمران بصوت عالي:عـبـيــر عـبـيــر
عبير:نعم مين تشوف حسام تستانس حسام!! وبعد عناق بين اخوان مشتاقين لبعض
عمران بنظرة استحقار:اسمع يالمدمن تراي ماراح اسوي زيك واطردك على طول لك مع اختك نص ساعه وبعدها تنقلع
بالي مايحفضك
عبير بعصبيه:حــسـام احترم اخوي
عمران:اها المدمن وتفتخرين فيه انه اخوك كذا حياتكم يالاغنياء
حسام:على كل انا ماراح اطول بالبيت بس انا جيت ابسلم على اختي و (يناظر اخته ويشوف عيونها المورمه من الضرب والعنف
ويشوف جرح بفمها)حسام فتح فمه مو مصدق مين الي سوى كذا فيك ياعبير ويناظر عمران
اياالخسيس تحط قوتك على حرمه بجد نذل
عمران طلع وبصوت بعيد عالي:ترا بقى من الوقت ثلث ساعه يالــمدمـن (طبعا انحاش الخواف)
حسام:عمران صح
عبير:تناظر فوق وتحت مو مهم اخبارك الحمدلله على سلامتك والله طالع قمر مو زي اول اعوذ بالله
حسام بنظرات حزن لاخته وتعاطف معها:عبير لاتسكتين له
عبير بابتسامه مليئه بالحياه:ولا يهمك ابكسر راسه
حسام هههههههه ماتخلين هبالك
عبير باسف:معليش على كلامه امسحها بوجهي
حسام:عادي لعيونك تكرم مدينه
عبير:تسلم ياخوي اخبار ابوي عسى رضى عليك
حسام:لا للاسف وكل مره يزيد اصرار وعناده
عبير:حاول فيه بكل الطرق وصدقني ماراح يخليك وبيرضى عليك مهما كان هذا ابوك وماراح يتخلى عنك


عادل عرف السالفه جن انهبل لا كيف الي احبها تصير مجنونه وفاقده ذاكره لا مستحيل لا وبعد تنجن علشان عبدالله صديقي
ولد جارهم اكيد هي تعرفه ومتصادقه معه بس كيف؟؟خابرها تخاف من الرجال وماتثق باحد يالله بنات اليوم كل شئ يصير منهم
وطوول اليوم مقهور ومنشل تفكيره والاسئله كيف وليه ووش السبب؟؟؟؟ معقول تنتهي قصة حبنا قبل ماتبدا اخ اخ بس
والله ماتستاهليني يانوره اي كل البنات كذا عبير كانت تحب رامي وبعد ماعلقته فيها غيرت رأيها وحبت واحد ثاني
كأن البنات يتلذذون في تعذيب الواحد عادل كرهه حاله وكرهه كل البنات بسبة نوره


عمران بوقاحه يناظر ساعته الي في يده:انتهى الوقت
عبير:عمران هذا ضيف عندك ولا نسيت العادات والتقاليد
عمران:لاطبعا مانسيتها بس الضيوف مو المدمنين
حسام بقهر وبعصبيه:ارتاح الله لايريحك ويوريك في خواتك انشالله انا رايح بس شف الي تسويه باختي بيصر اشد لخواتك
وترا دعوة المظلوم مستجابه
عمران سكت وتذكر سالفة زينب وكانه طعنه في قلبه وجدد جروحه وعذابه هالكلمه ((بس تذكر))ان السبب هي عبير وانجن
عمران:اقولك برا قاعد تدعي مثل العجايز برا يالمدمن
عبير تبكي من القهر وبجد قلبها ينزف منه دم كل ماعاير اخوها بالمدمن واهان كرامته ورجولته
طلع حسام وركضت وراه عبير وودعته بدموع وبحراره


عبير رجعت لعمران وهي تبكي ونص كلامها مقطع من شهقات البكاء:عجبك كذا طلع
عمران ببرود:احسن بالي مايرده انشالله
عبير بحقد وببكاء:بحياتي ماكرهت احد قد ماكرهتك اليوم
عمران:وعمرك ماحبيتيني اصلا انا مو محتاج لحبك
عبير:انا احترمت خواتك مو حبا فيهن بس احتراما لك
عمران:وغصبن عليك تحترمينهم هذا واجبك
عبير:وواجبك انت تطرد اخواني وتناديه بالمدمن
عمران:انا ماكذبت وبعدين انا ضيفته نص ساعه مو زيه طردني على طول
عبير:ومتى تحسب للوقت اصدقائك يجلسون الى اخر الليل واضيفهم انا واسوي لهم العشاء لحالي مع اني مو متعوده الا اني
ماتضجرت علشان مابين لك ان ناقصني شئ بس انت ماتستاهل الي يداريك
عمران بعصبيه بيمد يده يضربها وتوقفت يده فجئه لانه تذكر الوعد
عبير بابتسامة استهزاء:اضرب ترا تبلدت احاسيسي ماصار ضربك ياثر فيني اضرب ياشجاع
عمران وهو رايح ومعصب:خلني اروح مو ارتكب فيك جريمه


صارت ملكة عبدالله ونوره من دون حفل ولا رقص ولا اغاني بالعكس في جو يغلبه الحزن
عبدالله اول ماكتب عليها الكتاب طلب من ابو رامي انه يشوفها وابو رامي قال رح لها باي وقت تبي
وخذها انت للبيت لكن ابتسام وعبدالله رفضوا لانهم يبون لها زواج قبل يعني حفله


عبدالله راح للمستشفى وياليته ماراح شاف نوره ووجهها الذبلان من المرض ولا نظراتها الموجه لمصدر واحد مو معروف
وفيه ممرضه قاعده توكلها
عبدالله:لو سمحتي انتي روحي انا بوكلها
الممرضه:حاضر
عبدالله اخذ الصحن ويوكلها نوره نوره ماعرفتيني انا عبدالله الي جيت لك وتعرفنا على بعض بالصبح وكنتي خايفه مني
نوره تناظر بعيد وماترد عليه
عبدالله:خطبتك قبل تقريبا اسبوع واهلك رفضوا وانتي تبيني لانك تحبيني وبعد حتى انا امووت فيك
نوره لاحياة لمن تنادي

عبدالله راح للدكتور
عبدالله:كيف اسوي لها علشان ترجع لها الذاكره
الدكتور:اذا كانت لك ذكريات انت وياها عيدها علشان تتذكر وروحو للاماكن الي تحبها
عبدالله يفكر يوديها بيت اهلها ويعيد المشهد الي صار لاول لقاء بينهم