نصايح بسيطه لعشاق البر مثلي !!!!!!!!!

السلام عليكم ورحمة الله وبركآته


اللي يحب البر والكشتآت بينفعه هالمووضوع واللي مو راعي بر


يحآول يركز معي شوووي ويمكن يغير رايه




نصائح مهمة لمحبي البر



1)صل صلاة استخاره قبل الطلعه واقرى دعاء السفر.


2) لازم تكون مدور لك مكان قبل الطلعه بيوم او يومين يكون بعيد عن الشعبان (الاوديه ) وبعيد عن شجر العشر اذا كنت تخاف من الجن وقريب من الطريق تقريبا ثلاث كيلوا او بعيد عن الطريق وتكون قرييا من راعي حلال على شان اذا احتجتو شي يكون قريب منكم تاخذون الي يقزركم (يكفي حاجتكم)


3)افحص سيارتك وعدة السلامه الي فيه .


4)تفقد ع**تك (عدتك الطلعه ) لا تكون ناقصه


5)اختر صحبة ناس متسنعه شقرديه تعين وتعاون مو خكاريه ترفع الضغط وينكد عليك الطلعه / آآ يآمآمي الشوكة كسرت يدي < هذآ التعليق من عندي



6)اذا جيتو المكان قولو دعاء نزول المكان وتفحصوه زين


7)الحمد لله على سلامتكم اسجد سجود شكر على الوصول لان غيرك طلع ولا وصل للي يبيه


8)الحين ابنو الخيمه ووجهزوا الشاي والقهوه


9)اذا بغيت تهفهف(تتمشى)يمين ويسار اذا كنت تخاف من ثعابين وعقارب خذ معك عصا طولك تقريبا وانت تمشى اضرب الارض بعصاك على شان تخوفهم لانك اذا ضربت الارض فانك تهدده وتهرب هي منك (يابطل)هههههه


10) هذا اهم شي اذا شفت كلب لا تهرب ولا تخاف منه وش ما كان لانه هو والنحل الكائنين الوحيدين الي خلقهن ربك يشمن ريحت الخوف لانه اذا شم الريح وربي ما يتركك وره انك قوي ( ايه هين )


11) وانت تتمشى كل خمس دقايق شف وش وراك تآكد ان الوضع في السليم



12) خف من الحصيني(الثعلب) ولا تخاف من كلب لانه مكآر


13)اذا رحت تجمع حطب لا تحطب الشجره الخضر عليك باليابس الا الرمث عليك به كله لانه صحي للعين يغسله لك


14)لا تبعد بالليل لانه ما في امان باللي لوانت ما تشوف بالليل يعني تروح عشاء لذيب جيعان او كلب او تروح ترقد بالمستشفى لانك مقروص من داب وعقارب او ترقد بالثلجه اذا قرصتك ام جنيب


15)لا تنطرب بالبر نصيحه اذا ماكنت تخاف من الجن


16) لا تزعل لان الدنيآ ما تسوى انك تزعل وانت طالع اتفضى مو تزعل
ياسرع الوقت



والحين تبي ترجع



17) ضف بلاويك ونظف المكان وخله احسن من ماكان (وهذا مستحيل) او مثل ما كان


18) حمل عفشك واركب سيارتك وقل دعاء الرجوع من السفر والله ييسرلك وسق زي الاوادم 120 (ايه هين اذا ماصفقة العداد كله



الحمد لله على السلامه
19) سلم امك و ابوك وحب على رؤسهم (ايه هين) وسلم على باقي العيله احمد ربك على انه وصلك بالسلامه لان غيرك ماتو ولا شافوا اهلهم وصلى ركعتين شكر لربك


20) ورح ريح تسدح بفراشك واحلام سعيده




اتمنى انكم استفدتم

سعود العتيبي ,,,,,,,,,,,