لاصار طاري الفراق يهون بلسانك..
..وفي كل كلمه تهددني على الفاضي
بااعز نفسي ويكفي بس حقرانك..
..يعني توكل وانا في قسمتي راضي
ياكبر شاني مثل ماهو بعد شانك..
..غرك سكوتي وانا والله متغاضي
ابلشت عمرك وصرت اليوم بلشانك..
..ماانته بقاضي ولاني منك ابقاضي
ان كان به ود لاتبخل بهتانك..
..تعبت اخايل بعيد البرق لاناضي
لاهل مزنه ولاطرفت بيبانك..
..والقلب زود عذابه جمرك الاضي
وان كان ودك بقطع الوصل او كانك..
..اصمل وكب العلوم ادقاق وعراضي
يعني بلاها ولاارجي صك غفرانك..
..تصبح وانا اصبح حبايب من زمن ماضي
ماني بعابل همومك وارجي احسانك..
..للكل قسمه وانا قسمتي راضي
ولاعاد تطري فراقي دوم بلسانك..
..تعبت اشوفك تهددني على الفاضي
فيصل فهد العدواني..**
ان شاء الله تنال على اعجاابكم
« آخـــر الـــمـــشـــاركــــات »
طاري الفراق...
العرض العادي
