سرى ليل القصيد اللي سريته والقصيد بحور ... سريته عقب ما عفته وردتني مقاديري
جفيت القاف وحروفه تصيح بخافق مقهور ... خفوق دايم افكاره مواريد ومصاديري
هجرت القاف لاجل انسى هموم بالزمان تدور ... ولاجل انسى سهر ليل معه طالت مشاويري
شفتك وانقلب حالي ورجعت بكلمتي مجبور ... نويت القاف لو انه عذابي في تعابيري
هلابك كل ما اشوفك ابفرح والغلا منثور ... على رمل الحشا تزهر بجياتك نواويري
حبيبي طالت الغيبه ولا لك بالغرام عبور ... وانا ما خابت ظنوني بطيري يابعد طيري
هلابك شاعرك دايم من اسبابك عليك يثور ... يثوّر غيرته قلب عطاك اغلا مغاتيري
اقول الشعر لعيونك بلا مسرح ولا جمهور ... كتبت الشعر بعيونك ونظراتك جماهيري
ترى قاع المحبه ميّته تصرخ وردت بور ... نشف بير الغرام اللي شقاها ما نشف بيري
انا لك شمعة تاكل بعضها تشتعل لك نور ... وفيك اكتب تواصيفي وحسنك فاق تصويري
على عهد الهوى باقي واشوف ان الهوى مهجور ... انا لك يالقضي عاشق اذا ماخاب تقديري
ابي من مبسمك كلمة احبك موت يامغرور ... احبك بالغرور اللي تفاخربه على غيري
انا ما اظن ياخل عشقتك جيتكم بقصور ... اموت ولا تشوف عيونك الحلوين تقصيري
******
ابي من بسمتكـ كلمهـ احــــــبـــكـ :$ من يقوولها ؟؟
تحياتي ..
« آخـــر الـــمـــشـــاركــــات »
الـــى أعــضــآآء المنتــدى .. :>
العرض العادي
