قصيده فكاهيه عن سيارة( النصر)

الناس كلمن سوبره وانه النصر تبرالي
امنالفيتريه اتعذبت والسمكري شل حالي
صفت تخبط ماي ودهن
كليوم ابدللها البكن
كلبي انشلع موراح اجن
بالكوه حصلت السكن
وكام السلف بالتالي
مره اشغلها جطل
مره جواها انمطل
ماأفتهم وين العطل
المي اديرالها ابسطل
ابلكها ظاع وغالي
لايته مطفي ابلاضوه
بيبانها اتفكها الهوه
ابريكه وكلجها سوه
بس بيها هورن عالي
خليت ولفي بالصدر
ماأدري يم راس الجسر
اسرحت وتيهت الفكر
ياربي ورطه ويه النصر
جم دوب اظل للتاليعذرآ القصيده مكتوبه بالغه العاميه العراقيه

يسلمو ملك ولو تكتبهأ بالفارسيهـ او الفرنسيهـ راح نفهمهـ اخوي يعطيك الف عافيهـ والعاميهـ العراقيهـ حلوهـ بعد يعطيك العافيهـ

يعطيك العافية ملك

تقبل مروري

سيبوية