مافي شي اسمه سيرفس..... مهم لأهل الكويت

السلام عليكم



ومبارك عليكم الشهر اعاده الله عليكم بالصحة والعافية



عندي شغلة بخصوص السيرفس تشارج اللي بالمطاعم اللي قاعدين ينصبون علينا واحنا ولا عالبال



قانون يديد بالكويت من حماية المستهلك ان السيرفس تشارج ممنوع باي مطعم عندنا وفي قرار معمم على المطاعم انا شفته بعيني ان مايحق لاي مطعم ان ياخذ من الزبون غير سعر الطعام اللي ياكلة المحدد سعره بقائمة الطعام لازيادة ولا نقصان يعني بالكويتي ماياخذون منك الا سعر الاكل اللي كليتة ماكو شي اسمه سيرفس واذا بتتأكدون بنفسكم اتصلوا على رقم حماية المستهلك135وسألوهم بنفسكم



على فكرة انا جربت هالشي مع عده مطاعم بالكويت واهما تشيليز0 واسابي0 روبي تيوزدي وشالو عني السيرفس اهما خامرين قالو شكلهم اللي يتكلم نشيل عنه واللي ما يتكلم نشتغل نصب عليه





انتو ماعليكم الا تنادون المدير اللي بالمطعم وتقولون له ان السيرفس ممنوع بالكويت والمفروض انك تشيلة من الفاتورة واذا ماشالة قولة عطني كوبي من الفاتورة ودق على 135 قولة اسم المطعم وبأي منطقة واهوا يقولك وين تروح تقدم الفاتورة ويخالفون المطعم ويتسكر اذا كثرت شكاوي السيرفس

فخلونا ايد وحده لان في هوامير بالديرة قاعده تنصب علينا

وكل هاللوية عشان احنا ندفع اجر العمالة اللي بالمطعم من خلال توزيع السيرفس عليهم واحنا ندفع سيرفس ونحط بقشيش الظاهر حسبالهم ان مفطومين نفط والمسألة مو مسألة دينار ولا دينارين الحمدلله احنا ديرة نعمه بس لازم يكون بالحق

ماقول الا هذي الكويت صل على النبي<< فديت الكويت واهلها والله على راسي
احبكم والمحبه من الله
منقووووووووول من ايميلي لافادة اخواني وخواتي الكويتين

يعطيك العافيهـ وان شاء اللهـ يدخلون ويستفيدون .

ان شااااااااء يارب مشكوووره عالمرور

مشكوووووووووووووورة فديت وعجبتني مفطومين نفط هههههههههه

صدق الغافل ينصبون عليه والذيب صاحي لهم

العفووووووو مشمشيه يسلموو عالمرور العسل

الله يعين على هالدنيا

الله يعافيك البرنس وصدقت والله عقبالنا

مشكور خيتو على هاذه المعلومه تمنيت ان تكون في بلدي ولو جزء بسيط
تحياتي وتقديري

ملك كلنا تمنينا تكووون عندنا

يسلمو عالمرور