الشباب في العيد!!! لا يفوتكمــ>>> حياكمـ

كل سنـــه وانتــم طيبيــــن
وعساكم من عواده......


الشباب في العيد!!!


خلونا نستـعرض اهم الاحـداث اللي تصـير للـشباب قبل العيـد و بعـده ..


1- عند الخـياط ..

لازم كل شاب يستلم كندورته اليديدة بليلة العيـد .. لان كل الشباب يتذكرون انهم مافصلـوا الكنادير الا بـآخر لحظة.
.
و طبعا ليلة العيد .. تنقضي عندهم بالهواش والضرابة مع الخياط عشان يخلص الكندورة.
.
وحالتهم حالة ... لو توقف عند باب الخياط .. ماتشوف غير كنادير تتطاير وتنفر .. واللي يصرخ وييقول هذا ثوبي .. والثاني ينطر حلجه وتطلع بلاعيمه ويناشق لان عزوز خذ كندورته بالغلط .
.
وعبود ماسك صويلح من رقبته عشان يتأكد ان اسم صويلح مكتوب على الورقة المعلقة برقبة الكندورة
..
و مناحي منسدح من القهر على بطنه لان كندورة ولد عمه سلوم طلعت اطول من كندورته ..

واللي يقص راس الخياط بالمقص عشان سعر الفاتورة ...

واللي يصم الخياط ببكس على دميحته لانه طالب قطعه والخياط مفصل له كندوره من قطعه غير ..
.
ومايد تضربه البوهة و يكتشف ان كندورته مب لماع .. وتطيح الكندوره ف جبده لانه مخطط يلمع كل شي فيه الا ويهه يصير مطفي هع هع ...

واللي يكتشف عيوب خلقية في كندورته .. واللي كندورته بدون كم .. و اللي كندورته بدون ثوب ..


2- في الحلاق..

تشوف الشباب صافين بالدور .. ((يذكروني بطابور مقصف الابتدائي ))..

(((((((((((بس من جد حالتهم تقطع القلب ..)))))))))))))

واحد يجره ابوه من كشته .. تقـول نعيمية ... ..واللي يصيح لان اخوه متعود يحلقه على الصفر ..ويقول له تكفى خل لي خصلتين <<<< و هو صادق ..على الاقل تنفع قرون استشعار .واللي مايبا الحلاق يحلق له بموس لان أصلع وقتها بتلمع ..واللي فاتح له عزا و يباغم عند الباب .. لان طالعتله حبة خال بنص خشمه ..

و ابوبندر ..بعد حيي والله ياي يصبغ هالشعرتين اللي ف راسه البيض ..
..
...واللي يبسط عند الحلاق إلين للفجر .. وهات يا صنفرة و سمكرة ...

واللي يدرعم بدون احم ولا دستور .. والشرر يتطاير من عينه .. ويخز الموجودين بالصالون وهو ينافخ ويلهث ويدور على راعي الكامري اللي مبركن وراه ..

واللي ينجلط الا اكتشف ان المكينةاختربت... واللي يلعن الحلاق لانه قص له مارينز بالغلط ..
واللي ياي يزرع
وما خفي اعظم ..

3-صباح العيد..

ماغير تسمع اصوات تشقق اكياس بلاستيك ..<<< اصوات اكياس الفنايل الجديدة..ماركة الازدهار ..ولا الدروش

وعبدالمجيد يتضارب مع منيرة اخته .. ويبي يتروش قبلها ...

وكلن يتروش بذمة و ضمير .. ويلعن اسلاف الليفة بالصابون .. وييلس يفرك بها الين يلمع ويلق ويعرف ان الله حق ..

و حمود يسطر منقاش ... لان منقاش لبس جحفيته المشخله بالغلط ..

واللي حاب يكشخ ببدلة .. و يخنق عمره بالكرفتة المقلمة .. ولابس جحفيت زري

واللي تحرق البشكاره غترته..

وبعدين يرتفع صوت الصراخ .. لان الاستشوار مال مزنة احترق... وبعدها كشة مهند واقفه و تسبح لربن خلقها .

واللي يتدرب شقايل يصب القهوة للريايل في الميلس .
.
واللي يصيح من صباح الله خير و مضيع بوكه اليديد بولمعة .. واللي اخترب طقم الكبكات الفضة ماله ..

واللي منزل الغتره على جيب الكندوره اللي على الصدر..لانه شارب حليب نوق من الصبح وخاست كندورته.
وبشكارتهم هاوشته وماتبغي تكوي له كندوره غير<<والله شخصيات بشكارتهم
وغيره محتار مب عارف أي غتره يختار

4-برع البيت..

سعيدان ..قائلا : اهبببببببببب يا محمد .. شف نوير بنت عمي اللي ماتستحي ..هب لابسة سروال .. ومطلعه كراعينها ..ومحمد يرد عليه ويقول له .. استح .. هي لابستن هيلاهوب بيج ...


و خليفه يالس يحش بخلق الله مع اخوه طلال .. ويقول له ::رحمت عقال بدر اللي حاشي فيه غترته..اللي يشوفه يقول شارنها من بسطت نايف

وطلال يرد عليه و يقول له ترى بدر يهون عن صالح اللي كاشخ بكندورةابياض ثلج .. لاحظ وزاره الاصفر لا مد ريوله...
واللي يتهاوشون على الطراطيع ... واللي مطنقر وماد البوز مترين لان خاله جحده ولا عطاه عيدية
وبعد ماتسوتي الساعه 8 ...


تلاقي نص الشباب ف عوافي .. عطه ع تايرين
... و الزحمة تصير عند شارع الشيخ زايد.
..
واللي يطلع التخييم مع الربع في وادي البيح..

وياخذ معه عدة التخييم : وااللي تتكون من شوزن و بندق و خنجر..<<على بالهم رايحين حضرموت؟؟




يلا ابا ردود حلوه مثلكمـ

ههههههههههههه من جد نص الي مكتوب بيصير يسلمو اسيره.

الله يسلمك مشكور على المرور

يسلمووووو على الموضوع

الله يسلمك يالغلا منوووووره موضوعي

الله يسلمك يالغلاااااا منووووره موضوعي بطلتك الحلوه

ههههههههه
صادقه..
يسلموووووو

هلا وغلااااااااااا بااحلى سعووديه منوره حبيبتي