الشعر يعني..وبعض احيان مايعني

الشعر يعني .. وبعض احيان ما يعني *** والجرح ضيفٍ سكن بي والحشا بيته

الشعر ارضي .. يوم ان الهم زارعني *** الشعر نهرٍ .. شربــني يــوم صبّيتـــه

سهّرت وجهي وكف الصبح يصفعني *** كنــي بصمتــي جرحتـه يــوم ناديتـه

يــامــا تحلمــت في قربــك ولـوعنـي *** قلـــت اتحلـــم ببــعدك لــو عـانيــــته

يلعن ابو الحلم بس الحين طاوعني؟؟ *** لـو ادري انه بيصدق كــان صحيتــه

ما انته لحــالك عشان تقـول بـايعنـي *** كثيـر كسـروا ذراعــي يــوم مديتــه

اكـذب البعد .. لـين الــهم يـقـنعـنــي *** كنـي علـى كثـر مـا اذكرني تناسيته

قبل انتفارق وتنسى جرحي اسمعني*** وش فـايـدة كـــل جـرحٍ فيّ خليتـه؟؟

ما قلت لك من (بعد) بعدك يسنّعنـي *** هلحـين شفـني عمـا فاللــيل سـرّيتـه

ضايع من اللّه وطاري البعد ضيعني *** تبــي تــدلــه وطــالــع ويــن وديتــه

يـاكبر ظلـمك تسـافر مـا تــودعنــي *** مـاكنـك الـلــي ذبحنـي لــين حبيتــه

كـم قلــت يـا آدمـي بـعدك يروعنـي *** ويــاكـم جـرحٍ يـجينــي مــاتحريتـــه

اذكرني اليا نثرك الشوق واجمعنـي *** واذكرني اليا حضنك اسمي وضميته

واذكرنـي اليا ذكرت الدمع قطعنـي *** وان مر في خاطـرك رقمـي ودقيته

مع السلامـه وقبل تسـافر اسمعنـي *** تبقـى أكثــر انسـان بكـانـي وحبيته
ஐللشاعر / محمد الوسميஐ

تحيـــــــــــــــاتي

يعطيك العافيه على النقل الحلوو

الله يعافيك
ومشكوووور ع المرور الاحلى^-^
تحياتي

يعطيك العافيه مشكلني

تحيآآتي

الله يعافيك خيووو
ويسلموووو ع الطله
تحياتي

اذكرني اليا نثرك الشوق واجمعنـي *** واذكرني اليا حضنك اسمي وضميته


ابدعتي فيما نقلتي

يعطيك العافية مشكلني
دمتي بود,,,,

الله يعافيك سيبو
يسلموووو ع المرور
تحياتي

يعطيك العافيه مشكلني

الله يعافيك أسمر
وتشكر ع المرور
تحياتي