تغيــــــــــرنا..!!

تغيرنا ولا ندري من اللي غير أطباعه
ياقلبي قول لاتسكت وش اللي جابنا أغراب؟! .


سألتك ليه تتنهد بصدرك آه ملتاعه
تصب الملح من عينك تناثر دمعك المرتاب؟! .


جنوني / واللذي خلد غلاك بخافقي راعه
سكوتك يكسر ضلوعي وفيني مابقت أعصاب .


أبعرف بس من يقدر يكدر خاطرك ساعه
أبعرف بس من غيري يفتح في هواك أبواب .


تنهد وألتفت يمي وقال بروح فزاعه
حبيبي يا بعد عمري أحبك ( والهوى غلاب ) .


هواك بمهجتي أقرب من الخفاق لأضلاعه
وهذا شلون لا تسأل سألت ولا لقيت أسباب .


أحبك / كثر ما أكره فراقك وأشرب أوجاعه
أحبك / كثر ماتسهر عيونٍ تنتظر أحباب .


أحبك / كثر مايحلم فقير يعدل أوضاعه
أحبك / كثر مايندم غشيم بعشرة الأصحاب .


أحبك / كثر ماغنى (عبادي) للهوى وداعه
( على آخر تراب الأرض ) أحسك بالوصل كذاب .


لأنه صار ما كنا نخافه والهوى طاعه
فراقك حلّ ياعمري ولازم نبتعد أغراب .

-الشاعر / جابر خميس

يسلمو مشكلني على القصيده الرائعه لشاعر جابر

تقبلي مروري

ابداع

تسلمين حبيبتي مشكلني

تحيتي يالغلا

الله يسلمك خيووو
وشاكرة لك مرورك العطر
تحياتي

الله يسلمك حبوبه
وتشكري ع المرور العطر
تحياتي

يسلموووووووو قلبوو ع الابدااع والذووق

يعطيك ربي الف عااافيه خيتوو

لا عدمنااك يا الغلااء

تقبلي مروووري

ومع اطيب واعز التحيات

الله يعافيك حبيبتي
ومشكوووووووره ع الطله^-^
تحياتي

يعطيك العافيه مشكلني

ما شاء الله مبدعه في قسم القصيد الله يوفقك

تحيآآتي

الله يعافيك أسمر
وتشكر ع المرور العطر
تحياتي

تغيرنا ولا ندري من اللي غير أطباعه
ياقلبي قول لاتسكت وش اللي جابنا أغراب؟! .
ابيات صراحة روعة

دمتي بود ,,,,,