سوالف الحريم بعد الزواج

اخوهم : اركبوا السياره وكل وحده تنتبه لا تصك باب السياره على عبايتها

وبمجرد ما انقفل باب السياره 00بدأ الأستديو التحليلي 00اسمعوا ما قاله وما يقوله النساء بعد كل زواج0

الأولى : ايش فيك تأخرتي؟

الثانيه : ساعه قاعده ادور على عباتي 00انتي ما شفتي الحريم يتضاربون عند العبايات 00العبايات تلخبطت

الثالثه : يا ليتنا ما رحنا زواجهم

اخوهم : ليش؟

الثالثه : زحمه والبزران يتضاربون بقشر البرتقال ويلعبون بالمويه

الأولى : ما شفتي ذيك اللي كبت القهوه على الحرمه اللي كانت نايمه؟

الثالثه : لا والله ما شفتها 00انا ما شفت ولا شي في الزواج 00طول الوقت قاعده ادور على جزمة بنتي مها

الثانيه : ايش رايكم في الفستان اللي لابسته هدى؟

الأولى : مو حلو 00محنقط عليها والسحاب باين

الأولى: انا اعجبني مكياج أمل 00تقول ان زوجة خالها جابته لها هدية من باريس

الثالثه : هههههه من باريس 00تضحك عليك يا هبلا 00تلقينه من محلات ابو ريالين

وقفه

***************

الغريب والعجيب انهم واثناء حديثهم في السياره يقولون لبعضهم 00خلاص يا بنات

بس 000ترى ما يجوز نتكلم على الناس0

تكمله

الثانيه : صح والله كلامك يا اختي 000ما يجوزنتكلم عليهم 00بس شفتي الحرمه اللي كانت قاعده جنبي على العشاء وتقطع لي لحم؟

الأولى : ايوه شفتها 00هههههههه متوصيه فيك 00شكلها بتخطبك لولدها

الثانيه : وجع في شكلها هي وولدها 00قاعده تقطع لي من اللحم الكبار اللي ما ينوكل

وهي طايحه في اللحم الزين0

العشاء

اخوهم: ايش رايكم في العشاء

الثالثه : دسم وكله شحم

الأولى : بارد

الثانيه :اللحم كبار

الثانيه : وفيه حريم ما تعشوا 00قاعدين على الكراسي اللي في الكوشه 00شايفين نفسهم

الأولى : حتى ام العروسه 00ما تعشت مسكينه 00طول الوقت قاعده تبكي

الثالثه : هههههههههه تبكي من الفرحه يا هبلا 00ما شفتي صدرها منتفخ من الفلوس

بس 00خلاص 00ما يجوز 00

صح والله 000ما يجوز 000بس شفتي 000وشفتي 00وشفتي
وللأسف منتشره هالعادة السيئه بشكل كبييييير


ياخوان ترا هذا شي واقعي وماحد يقدر ينكر هالشي انا من هالمنطلق نزلة الموضوع وبنزل هالنصيحة مني


قال الله تعالى(ولا تجسسوا ولا يغتب بعضكم بعضا ايحب احدكم ان ياكل لحم اخيه ميتا فكرهتموه)


قال رسول الله صلى الله عليه وسلم : { خمس يفطرن الصائم وينقضن الوضوء : الكذب . والنميمة . والغيبة . والنظر بشهوة , واليمين الكاذب } "

اخوكم
سيبويه
(الدمعه)

اخوي سيبو

وربي اللي خلقني كل الكلام اللي بين الحريم ماقد شفته فينا ابدا

وعشان اكون صادقه معك بس هذي

الثانيه : وفيه حريم ما تعشوا 00قاعدين على الكراسي اللي في الكوشه 00شايفين نفسهم

لان احيانا يكون العشان شوي والبعض يكون ماله نفس الزحمه وياكل

يعني مايحب>>انا من النوع هذا^_^

لكن مو شيفة نفس

صدق السب متوفر في الحريم كثيير

لكن الاصابع مو سوا

^_^

ويسلموووووووووووووووووووووووووووووو خيو ع الحوار ههههه

الله يهدي الجميع برحمته

ههههههههههههههههه>>جبتها صح^-^
والله هذا الشي فينا لا ننكره
ومثل مانزل سيبو بالموضوع نقعد خلاص حرام وحرام
ونرجع نكمل حش في الخلق"أستغفر الله"
يسلموووووووو
تحياتي

والله جبتها على الجرح
بذات الفساتين والمكياج والتساريح اول شي نستلمه اسال الله العفو والعافيه

يسلمو سيبو

بصراحه فيه بنات الواحد لازم يتحاشاهم عشان مايجيب طاري الناس

أنا أحب أجالس البنات الهاديات اللي مايجيبوا سيرة أحد عشان أقدر أمسك لساني


الله يعفو عنا ويغفر لنا

يسلموووووووووووووو دمعه