العذارء

اقسى من القاسي والين من الين = واخف من وزن الهواء جوف بالون
واثقل من جبال السروات وامتن = واحلا من الحالي مع الي يذوقون
فيه القلوب بكل معنى يذوبن = متميز بالنطق والشكل والون
واكبر دليل لينظرتة يغبن = كل النجوم الي بها يستدلون
نور القمر في وجنتينه كشفهن = كن القمر والشمس فيها يتحدون
في خده الباهي ومبسمة مليون = صورة من الاعجاب والذوق والفن
لو اعطي اوصافة تقولون مجنون = اكيد هذا انسان يستحضر الجن
لكن في حب العذارء تعرفون = مثل القلوب بدون شريان يطفن
واكيد في جرح المشاعر تحسون = لن المشاعر في بعضهن يحسن
احبهم وانتم معي تحبون = كل القلوب الي علينا يخافن
والخافي اعظم دونهم مايجوزون = وهن بعد من غيرنا ما يجوزن
من بعدها قدحت ناري بغليون = وترادمن سحب المزون وتواسن
وهل مطرهن بمر من يملك الكون = سالن فيه وديان نجد وتملن
راعي الحلال من الفرح ركب صالون = وخلا مجاهيمه مع العفر يرعن
واهل الرعايا بالجهاز يتنادون = واذودهم وسط الربيع يتبارن