على آخر المشوار

البارح آفكر وطول الليل مدري وين آروح=وأصبحت لا نومٍ رقدت ولاطلعت بفايده
مجروح لي مده وعين لايطيبن الجروح=والعمريفنا والزمن خلفي يشب أوقايده
العام ألأول معتبرها مزحةً ظمن المزوح=لاكن مزحة عام لول هاالسنه ذي زايده
على آخرالمشوار دخلة فوهه فوق السطوح=وألاْعلام وأخبار الصحف تحيي العلوم البايده
قدام عشر سنين لك فكره ولك مبدا طموح=لاكن من يوم أنك طبيت البحر ماعاد عندك جايده
سرحك أبوك ويحسبك مصلاح ما ظنك بطوح=وآثرك فاهي ماتعرف السارحه والقايده
لاقلب لاتفكير لاأحساس كنك بدون روح=باليك ربي مالك ومال الدروب الكايده
ياهيه هو أنت آدمي وألأ أنت متبلد ولوح=وألاْ معك شراً شريراً من صغرتك صايده
فاالمزنه الغرا لها راعد وبارقها يلوح=ويخيلها اللي فاالمدينه والبديوي باالديار النايده
تبرق وترعد والسحابه صيف ماطرها شحوح=ولا تعجل بعد فتره للمناشي والمخايل عايده
أنباح سدك وأنكشف والله سدوده ماتبوح=والغيب علم الله ولا ندري وش اللي رايده
واللي مزينها صفاة القلب والخاطر سموح=وألاْمل باالله والرجا باالله وربي قايده