وأنا أخو نوره

ألأ ياهاجسي حضر بيوت الشعر ثم أرتاح= وراي علو ما تدري بها والله هو الداري
وصناديق الدرر عندي لها ياهاجسي مفتاح= يفك المبهمات أمن القفول بطيب وأجباري
وأنا من فضل رب البيت في بحر الشعر سباح= أغوص بقاعته وآخذ من الجزلات وأختاري
وأنا حساس وألسان الزمان أليا هرج جراح=وأنا لا ناموا الناس وتهنوا صرت سماري
فلا ياهاجسي هونت مير أرجع نبا المرواح=ولاتنشدني وش ألأسباب لامنه طرا الطاري
طرالي ما طرا يابن الحلال وناوي المسراح=وقبل آعلمك بالعلم لاتنشد وش أخباري
وقال أنته معزم قلت له وش هقوتك (مزاح) =ومشينا بالطريق اللي نبيه وصرت محتاري
وأنا محتار في وشلون يضما واحداً مياح=وزود حيرتي وشلون يخلع باب نجاري
ولا جنني ألأ يوم أنا آعطي والسنين شحاح= ولها وجهً كريه أمن الشهامه والكرم عاري
ومن فضل الولي عندي عزوم وفي يدي سلاح=عليه باالحرام أن ماسرحت أني لجي ساري
وأنا أخو نوره أني لاآتمشى فاالبلد سواح= وأن آخلي مجرات النجوم يمين ويساري
فقال المشكله مانيب عارف لهجة السياح=فقلت المشكله هاذي ماتبغا واحداً غاري
وترا وجهة نظرماينجذب مع كل برقً لاح=ولاهوب أيــتــــعــبــث بالقصيد ونظم ألأشعاري