ياللي تحسب ان الهوى هرج هـراج

ياللي تحسب ان الهوى هرج هـراج = بنشـــدك عن بابور بحــــره سبحته
فيض الهوى كنه نبع عـــــد هـــداج = لو تشــــربه مـــره ماظني برحــته
الله خلق فالخلق اشــــــكال وازواج = وانته ســـــهم في عـــز عمره ذبحته
شوف المريض اللي بغى منك علاج = ضاق السماء فوقه لظى الجمر تحته
يومه نصاك لحاني الصدر محــــتاج = بيديك عــــن كــل المناوي كفحـــــته
ياعايشن في برج عالي من الـــعاج = فرصــــة عمر كبرك رفض مامنحته
حتى سهم صابه من الديره خـــلاج = وش عاد غيرك ماكفى لو ربحـــــــــته
واهني طير يزعج الصوت هـــزاج = وان ضاقت الديره ترفرف جــــنحـــــته
في كل نجد يلاعب العشـــق لا داج = لو كــــان لاهـــوب الســــــمايم لفحته
ويشـــاهد اللي مشــــيها بالتــغناج = من زينها طــيرن سماوي طرحـــــــته
العين حوريه على مقرن حــــجاج = ياويل طــــــراد الهوى لو شــــــــبحته
والخد نور الصبح صافي وبــــلاج = كـــن المـــزون ببيضها مســـــتنحــــته
ماهو بياض يخالطه لون مكيــــاج = اخف وانعم من حـــريرن مســـــــــحته
والفم في صغره تعابير مـــــنهــاج = جـــــوفه ثمان دوب شوفي لمحـــــــته
والعنق ماشوهد بميدان قرطـــــاج = سافر عن الامتان حــــتى فضحــــــــته
والنهد مركوزن تحت لبته بــــــاج = كنــــي دعيته بالمجــــي وشـــــــنحته
والخصر يصحي غافي الفكرهلباج = معصوم بالمحـــــــزم توشح وشـــحته
من تحته الارداف تسرقه بااحراج = شناشن المحزم حـــــــكت ثم مدحــــته
شــــمية ريح الطيب من لبته فاج = وانفاسها عطـــر الحدائق نزحـــــــــته
قاله ســهم والحب للصدر فلاج = من باحني بالعشق والحـــب بحـــــــته