اهيف مهفهف وقف بالطرف رفرف ورف

اهيف مهفهف وقف بالطرف رفرف ورف=لي رفرفة طرفه الحتاف معني مخيف
رمى نصف شاف في قلبي لطرفه هدف=صاب الهدف وانصرف واجراح جوفي نزيف
طوف مشرشف وقلبي رف له وارتجف=ولا ارتجف من قبل شوفه في غواني وهيف
ليته وقف او تلطف اورثى او عطف=اوخاف او خفف او ليته يقع لي وليف
جعده رصف ساع طف منه وصفف وصف=غضي تغريف هلي مهيوف روحه تليف
جبينه الصافى اصفى من صفات الشرف=خده قرنفل ندىشفاف ناعم لطيف
ومرعفه سيف في نظرات عينه التلف=مبسم مكيف شفايف شهد صافى نظيف
والعطر في وجنته له ريح نفنف ونف=كم شفت ما فتنته في هيف بندر وريف
ما الوصف يوصف احلى وصيف اتصف=واستغفر الله يوم اوصف ولا له وصيف
يا من على الكف من سلسل ذهب سيت كف=يكفى كفى كف يكفى نبض جوفي خفيف
يكفى كفى شف دمي في عروقي وقف=في خافقي يا رشاء خف العزيز اللطيف