كم من صقر وقت الشدايد دجاجه

ما كل من يضحك بدنياه مسرور= لو ضحكته دايـم تحـرك حجاجـه
وما كل من يبكي من الناس مقهور= بعض الدموع رخاص من شان حاجه
وما كل صادق لو حكا لك من شعور= يا كثر من زيف المشاعر خراجـه
وما كل ما يخفا من السر مستور= بعض الوجيه ابين من ارهـف زجاجـه
وما كل بيتٍ بابه انصك مهجور= كم بيتٍ اطفـا الشـح واهـج سراجـه
وما كل وردٍ تزرعه ينثر عطور= لو ماه صافـي مـا يخالـط هماجـه
وما كل مرهف قلب لو يزرع زهور= قلب يحب الورد وهو مثل صاجـه
وما كل من يخطي من الناس معذور= البعض يخطي من علوم العواجـه
وما كل من يسكت على الظيم مجبور= لجل الغلا ساكت ويدعي انفراجه
وما كل راسٍ ضيع الفكر مسحور= كم راس سحر الحب جـاب ارتجاجـه
وما كل عله فادها طب دكتور= كم من عليـلٍ وصـل خلـه علاجـه
وما كل من شاور حكيمٍ خذا الشور= بعض البشر مـا يقنـع الا مزاجـه
وما كل من سمي صقر يشبه صقور= كم من صقر وقت الشدايد دجاجه
وما كل فزاع لجل مدح مشكـور=البعـض مرجلتـه وسامـه وتاجـه