زوجوها ماتبي فالناس خل.... ولا وليف = وانطفــت شمعــة هوانا في كفــن دوم لبســـا

عقب ماحت الورق بالعــمر بحلول الخـــريف = ووقعت اوراق عشقي من ضماها يبســا
صرت احاول جمع ماشتت من الحس الرهيف = من غرابيل الزمان اللي على مثلي قسـا
عمق جرحه ما طعني سطوته خنجر وسيف = ملتهب في وسط قلبي بالصباح... وبالمسا
من سبب من قل... مثله! لا شبيه ولا وصيف = ماانجبت ظني شبيهه في مزايين النســا
لو بوصف ماعرفت اقول بالاوصاف كيف؟ = مستحـــيل بلو والا لــيت.. والا.. ياعـــسـا
الاكيد انه... ملكني ملك من قاد... الكفيف = قاد بابـــور المحـــبه في شواطـــيه ورســـا
مابغيت لحكم غيره.. لا شريك.. ولا حليف = انحنت كل المشـــاعر لامــر مرسـوم ريســا
كن ربي... ماخلق من عقبها جنس لطيف = ولا بقــى لي من جميع الناس خلــه وونســا
لين حل من القدر مكتوب... وفراق كليف = طــول عمري مانسيته واعــرف انه مانســـا
هلت دموعه على خده من الحسره ذريف = وخنقــتني عبــرة فــراقه ومت مـن الاســـــا
زوجوها ماتبي فالناس خل.... ولا وليف = وانطفــت شمعــة هوانا في كفــن دوم لبســـا
هاك ياتاريخ دون قصة العشق الشــريف = كل معنـــى للشرف ثبــت مبــاديه وكـــســـا

وسلامتكم اخوكم الشاعر سهم القوافي