للبنات الجريئات .. أرجو الدخول

هايات كيفكم بنات ان شالله تمام جايبتلكم موضوع يعجبكم...
اسئله لكل فتاة جريئه وقد الجواب على هذي
الاسئله من غير كذب او فلسفه او نفاق.....


1_مين الرجل اللي يقدر يجرح قلبك؟




2_كيف تقدرين تمتلكين الرجل بسهوله؟




3_وش بيكون شعورك اذا شفتي حبيبك السابق مع زوجته وبنته بمكان عام؟



4_كيف تقدرين تخلين الرجال ينفذ طلابتك علطول؟



5_تقدرين تنسين زوجك الماضي حقه اذا كان له حبيبه وخانته؟



6_اذا حبيتي واحد وصارحتيه وقالك اعتبرك زي اختي او صديقتي وش بتكون ردة فعلك,,بتحاولين وبتسوين المستحيل الين تدخلين قلبه,,
أو بتخلينه وتكملين حياتك؟



7_اذا حبيبك هجرك من دون مايقول الاسباب بتهجرينه ولا وش بتسوين؟



8_ممكن تتحدين العالم كله عشان حبيبك حتى امك وابوك ممكن تتحدينهم؟



9_انتي الحين تحبين,,تبحثين عن الحب,,شايله فكرت الحب من راسك وليش؟



10_متى يكون الرجل ضعيف بنظرك؟


11 _متى تكونين ضعيفه امام الرجل؟


12_ايش الكلمه اللي يقولها الرجل وتسحرك او تهز مشاعرك؟


واللي عند اسئله زياده يكتبها ويجاوب عليها واتمنى من الكل يجاوب بصراحه وعلى كل الاسئله...

يظهر مافيه بنات جريئات اقلبيه لنا وشوفي الجرأه من جد

6_اذا حبيتي واحد وصارحتيه وقالك اعتبرك زي اختي او صديقتي وش بتكون ردة فعلك,,بتحاولين وبتسوين المستحيل الين تدخلين قلبه,,
أو بتخلينه وتكملين حياتك؟اكيد اسوي هوايل علشان ادش قلب قلبة


اعجبني جوابك

مثل مالرجل يرسم لشريكة حياته المفروض المرأه كذلك

للأسف دايما الرجل هو اللي يختار والمرأه تقبل الاختيار

حتى في النظره الشرعيه للخاطب والمخطوبه دايما الرجل ينظر والمرأه تنتظرالرد( نتيجة النظره )رغم ان الرسول عليه الصلاة والسلام أباح النظره حتى لايؤدم بينهما يعني المرأه ماتنصدم فيه ولا هو ينصدم فيها وأنا مالوم الرجل ألوم أهل البنت اللي مايعرفون قدرها !!!

رغم ان في كثير من الأحيان تكون المرأه ألف من يتمناها والرجل مو ذاك الزود

الرجل يختار مواصفاته في شريكة حياته بالملم والمرأه اذا تقدم لها رجل متكامل من كله ومارتاحت لشكله لاموها الناس وقبل كذا

أهلها متناسين ان الأرواح جنود مجنده طيب مالرجل يرفض كثير مو لأن ناقصها شئ بس لأنها مادخلت قلبه ومارتاح لها وامور كثيره

بس خلوني ساكته أحسن ...

البنات دايما مظلومات بس لهن رب ..... سمعتوا ؟؟؟؟؟ لهن رب !!!!


أذكر قصه طريفه حصلت لأحدى الفتيات اللي مو ناقصها شئ اتقدم شاب لخطبتها وكان ملعوز امه في اختيار شريكة حياته المهم اتصلت الأم على ام البنت وقالت ولدي بيجي يشوف بنتكم عشان يقول رايه فيها يقتنع او لا ردت عليها امها قالت اي لازم يجي عشان كمان البنت تقول رايها فيه يمكن ماترتاح له قالت الأم لا صدقيني ولدي مافيه منه فيه وفيه وفيه وكثير عرضوا عليه بناتهم قالت أم البنت ماعليه زود ولدكم بس انتي عارفه يمكن البنت لها راي ثاني لمن سمع الولد بكذا زانت البنت بنظره وطفش امه تروح تخطبها لو مايشوفها ؟؟؟!!!! سبحان الله ...عالم !!

1_مين الرجل اللي يقدر يجرح قلبك؟


الرجل الأناني




2_كيف تقدرين تمتلكين الرجل بسهوله؟


*-الدلع والرقه والنعومه

*_حتى لو كنت أذكى منه اتصنع عدم المعرفه واساله عن امور كثيره عشان ارضي غرورة وكبريائه

*_وانصت له لمن يتكلم كأني أول مرة اسمع هالكلام حتى لو كنت سامعته قبل وموجديد علي ساعتها بيحس انه خبير عصره


*_ لمن يكون الكل ضده حتى لو هو غلطان استغلها فرصه اني اسمعله وايده بكل كلمه يقولها مؤقتا بس بعدين لما يروق ابين له انه غلطان _ المهم وقت مايكون الكل ضده ماكون انا كمان ضده _ لان الرجل في هذه المواقف يكتشف من اللي عدوينه من محبينه

3_وش بيكون شعورك اذا شفتي حبيبك السابق مع زوجته وبنته بمكان عام؟

اذا كانت الظروف اللي منعتي منه قويه اسلم بالأمر الواقع والله يوفقه واعرف ان الله ماحرمني منه الا عشان يعطيني الأفضل ( ثقتي بالله كبيره )



4_كيف تقدرين تخلين الرجال ينفذ طلابتك علطول؟

اللا مبالاه لأنه الرجل مايحب المرأه اللحوحه في الطلب يحب اللي أعصابها بارده



5_تقدرين تنسين زوجك الماضي حقه اذا كان له حبيبه وخانته؟

أكيد الرجل المجروح ( مكسور ) انسيه الماضي باحتوائه بالعطف والحنان يعني أعطيه الحب أكثر مما يعطيني لأنه محتاجه في هذي الفتره اكثر مني اذا شبع حب عاد انا اخذ منه بالتقسيط المريح وزي مايقولوا فاقد الشئ لا يعطيه كيف اطلب منه يحبني وهو محروم!!! مسألة وقت هذا اذا كان يحبني بس حب الماضي أقوى اما اذا مافيه أمل بالطقاق اللي يطقه!!!



6_اذا حبيتي واحد وصارحتيه وقالك اعتبرك زي اختي او صديقتي وش بتكون ردة فعلك,,بتحاولين وبتسوين المستحيل الين تدخلين قلبه,,
أو بتخلينه وتكملين حياتك؟

الصراحه اكمل حياتي ... وأنا ماني من النوع الي يصارح بس من النوع اللي الفت النظر حولي
اذا كان الشخص عاجبني التفت خير وبركه مالتفت معناته ماعندي جاذبيه كافيه للفت انتباهه ومابيننا توافق فاخليه بدون ماصارحه( ما أقدم على خطوه انا مو واثقه من نتيجتها انها لصالحي )يعني مانتظره يزفني هههههههههههه



7_اذا حبيبك هجرك من دون مايقول الاسباب بتهجرينه ولا وش بتسوين؟

أعرف السبب عشان اهجره وانا مرتاحه ماعطاني سبب افهمها العيب فيه مو فيني!!



8_ممكن تتحدين العالم كله عشان حبيبك حتى امك وابوك ممكن تتحدينهم؟

لا لالاالا امي وابوي...عندي بالدنيا كلها ابيعه عشانهم.. لأني واثقه انهم مابيوقفون في وجه سعادتي



9_انتي الحين تحبين,,تبحثين عن الحب,,شايله فكرت الحب من راسك وليش؟

بحثت عن الحب مرة وحده والحين شايلته من راسي

10_متى يكون الرجل ضعيف بنظرك؟

لمن يبحث عن الجنس لأن المرأه في هذه الناحيه أقوى من الر جل دايما تكتفي بشخص واحد اما الرجل فهو يخون عشان الجنس


11 _متى تكونين ضعيفه امام الرجل؟

اذا تاكدت من حبه لي

12_ايش الكلمه اللي يقولها الرجل وتسحرك او تهز مشاعرك؟

كلمة سر( تفتح الكنز )لأن مشاعري كنز وغاليه علي ومااسلمها بسهوله فكيف اقول كلمة السر؟؟؟