حلال عالشبـاب وحرام عالبنات ليش..؟؟

بسم الله الرحمن الرحيم


حلال عالشبـاب وحرام عالبنات ليش..؟؟



اذا الشاب احب وبدأ يفكر بالغرام....يقولون عنه هذا كبر ما في مشكله هي مرحله مراهقه وطبيعي جدا.....


اذا البنت "فكرت" تحب...يقولون عنها هذي صارت بنت قليله ادب واهلها ما عرفوا يربوها



اذا الشاب شغل الشريط ( الكاسيت) ورفع الصوت بيقولون عنه هذة حركات وهذا ولدنا ونعرف وش اهو يسوي(والله انك نايم على اذنك روح شوفه وين يروح ومن وين يجي)


واذا البنت سوت نفس الشي يقولون عنها بنت ما بتعرف الاصول وما بتراعي اشي.



الشاب مسموح يعرف بنات.


مسموح يقعد عالنت بدون حدود.


مسموح يرمس بنات.
يقولون عنه(خله يتثقف الحين النت لغة العصر)

البنت يا ويلها اذا سوت هالشي
يقولون لها(انتين لا عندك احساس ولا ذميه وقومي غسلي امواعين احسن من هالخرابيط)



الشاب.. ان طلع صوته بالبيت وقام يرفعه على اخوانه واخواته.. يقولون عنه : (ماشاء الله هذاكبروصار ريال يبغي يثبت وجوده)



البنت. اذا سوت كذا يقولون عنها(انتين ولد ولا بنت وما عندنا بنات ترفع صوتها في البيت ويالله جلبي ويهج)



الشاب اذا اتبع الموضه ولبس اخر موديل يقولون عنه( واحد كشيخ وما فيه ثنين شراته ... وما عليه كلام)


اما البنت.. يا ويلها يقولون عنها( وحده عقلها فاظي وتدور على التفاهات والامور الماصخه)



الرجل الارمل... وهو راجع من دفن زوجته... يفكر بالمرأة الي بيتزوجها


اما المرأه الارمله... مئات بل الالاف القيود حولها



الرجل المطلق يحق له الزواج مره واثنيتن وثلاثه .....
(خله يشوف حياته)

المرأه المطلقه ضلع قاصر بالمجتمع..!! ممنوع عنها كل شيئ
(ان طلعتن من باب البيت حشيت اريولكن )



في النهايه

البنت دايما غلطانه

ليش يعني..؟!

والى متى هذا التفكير في بعض المجتماعات و المنازل؟!!؟!؟!

منجد وهذا الدنيا لرجال بس في بعض البيوت مافيها كذا والبعض فيها وبقوه بس الدنيا بتروح ولازم نسوي لاعمال الصالحه هذا بس الي ينفع والظالم عقابه عند رب العالمين انشاءالله وتسلم على الموضوع الجذاب

الحمد الله ان اهلى وعائلتى وقارئبى مو من العقليه ذى بل عكس يفتحون لنا الابواب ويثقون فينا لن ربو بنات والاولد صح
بس اكثر الناس اشوفهم كذا نفس العقليه
مشكووووووووووووووور اخوى على الموضع الرائع والاكثر من الرائع
يعيطك الف عافيه
تقبل تحياتى
اختك فوفو

الله يسلمج اختي غلا الروح
وقلتها لازم نعمل الاعمال الصالحة
وجزاكي الله خير

العفو اختي فوفو والله يسلمج