لعيونها صار الولد رومنسي = شكله أوروبي والحكي لبناني>>قصيدة الدوري الاسباني رووعة

شلونكم شخباركم ..؟؟ انشالله بصحة وعاافية
المهم ماني مطولة عليكم هذي قصيدة الدوري الاسبااني
رووعة مالت الشاعر نـاصر بن دهيم حبيت انقلها لكم لانها
حللوة بمعنى الكلمة ..
7
7
7
يارب سامحني ولا تبلاني = درب المحبة للخطأ وداني
قلبي يحب الفارع المزيونه = من وين ما تمشي لها مشاني
أدور الحلوة الين ألقاها = الزين يعمي والغرام أعماني
لقيت وحده ما بعدها وحده = القلب يبغاها وهي تبغاني
عشقتها لين الغلا جننها = لا عاد تأمرني ولا تنهاني
لا حبة الموضة أحب الموضة = في كل درب تسلكه تلقاني
لعيونها صار الولد رومنسي = شكله أوروبي والحكي لبناني
دلعتها لين الزمن دلعني = قمت أقطف الليمون والرماني
سمرا وبيضا كلها ممزوجة = اشلون ماطرب يالزمان الفاني
سكرت قلبي من بنات الدنيا = الا لها فتحت أنا بيباني
تمزح معي أحيان في كلمتها = واحب امازحها بعض الاحياني
تقول لقيتك يا حبيبي لاعب = واشجعك في الدوري الاسباني
ياناس هذي والله إنها خبله = ما تدري اني مبلش القيفاني
اغني أشعاري الين اطربها = وارقص اللي مثلها بلحاني
انا قصيدي في عيوني كنه = لعب البرازيل مع الألماني
عيون اكحلها وعين اعميها = هذا مزاجي ولاحدن وصاني
تخيلوا اني احب اقهرها = عشان تفكر بي ولاتنساني
وان روحت مني تراني خابر= الأول أنا في قلبها والثاني