ضيدان بن قضعان

من قصائد ضيدان بن قضعان الرائعه قصيدة ياوجودي وهي
يا وجـودي كـل مـا هـبّ صوتـك مـن شمـال
وجـد مـن حـدّه زمانـه علـى اللـي مـا يبـيـه
ويا وجـودي كلمـا اضحيـت ثـم مـال الظـلال
لا غفـت عيـنـي ولا ذقــت شــي ٍ مشتهـيـه
وجـد مـن قفّـى وهْـو فـي رجـا كلـمـة تـعـال
وإلتفت من عقب ماْ اقفى ..ولا أحد ٍ لدّ فيـه
ويـا عذابـي لا دنـا الليـل مـن روس الجبـال
وانتهـى يـوم ٍ مـن العمـر مـا عـاد أرتجـيـه
وانتي أبعد من سمـا الحلـم ووصالـك محـال
يا بعـد مـن هـلّ دمعـي ضحـى الفرقـا عليـه
يـا غنـاتـي لا تحسبـيـن دمـعـي يــوم ســال
ضـعــف ولاّ خـــوف ..ولاّ كـــذا ولاّ كـذيــه
والله إنــي مــن رجــال ٍ يـضـدّون الـرجــال
لكـن الحـظ ّ الـردي ..سـاق دمعـي كـل أبيـه
ووالله ان قد لـي وانـا اصّـد لا جالـك مجـال
صــدّة الـلـي لا تضـايـق تـذكّـر قـبـر أخـيـه
ووالله إنـــي كـلـمـا دار حـولـيــك الــجــدال
قمـت كـنّ المـوت يشّـر علـى قـبـرى بـديـه
ومن سألني قلت مـدري..وإذا عـاد السـؤال
قلـت لـه تكفـى سؤالـك تـرى مـاهـو وجـيـه
وش تبيني اقول عن من ترى ذبحي حلال ؟
والخطا منها عليّ..صـرت أحبـه وأهتويـه!!
عذرهـا لـو مـاْ تعـذر مـثـل واضــرب مـثـال
واحـد ٍ مـا يعـرف الـحـرّ الاشـقـر يشتـويـه
وان لـفـيــنــا لـلـتـواصـيــف لله الــكــمــال
لاْ انتـهـى لـيـل المـزايـيـن جـاتــك تبـتـديـه
يـاْ اول أحـلام الطفولـه عـلـى حــد ّ الخـيـال
الرجى باللـي حمـى البيـت مـن حملـة بريـه
حال دونـك سيـف عنتـر وتاسـع حـول حـال
باْثر حول ٍ حال دونك وانـا ادعـى هيـه هيـه
هيـه ياللـي غـرّك الحسـن واطغـاك الجـمـال
والله أني امـوت مـا شفـت لأوصافـك شبيـه
لـو يـسـام الحـسـن والتـيـه بجنـيـه وريــال
مـا بقـى فـي سـوق غيـرك ريـال ولا جنيـه
كيـف أهـدّك للمقاديـر وانـتـي راس مــال؟؟
راس مـال ومال..والمـال مـاْ يغطـي السفيـه
حافظـك حفظـي لعينـي ورمشـي لــك جــلال
وانـتـي تْشحّـيـن بالمـا..وانـا شـفّـي مـويـه
شايـف ٍ ظلمـك وساكـت وطـال اللـيـل طــال
لا نويتـي طعـن قلـبـي وانــا مــا قـلـت لـيـه
لـو بقـى للهيـل صبـر ٍ عـلـى فــوح الــدلال
مـا بقـى للهيــل صـبـرٍ عـلـى شــي ٍ يجـيـه
وانتـي تسوقيـن عقـلـي عـلـى حــدّ الهـبـال
تحسبين ان مـن بغـى شـي ..يقـدر يشتريـه
ولاّ انـا يـا وجــد حـالـي وجــود ٍ مــا يـقـال
وجــد مــن ضـحّـى بغالـيـه لْـرضـا والـديـه
ويا وجودي بأول العمر قبل ألبـس عقـال !!
وجد من باع آخر العمـر ..فـي رغبـة ذويـه
ويا وجودي كل مـا هـبّ صوتـك مـن شمـال
وجـد مـن حـدّه زمانـه علـى اللـي مــا يـبـه
وهاذي يامرحبا للشاعر ضيدان باللهجه العجميه

يامرحبا ترحيبتن كلها لش
تكسيش من راسش لي حد ماطاش
من قلب مهيوم بحبه صفالش
يلعب به الغربي لا سمع طرياش
يفرح لامنه قالش كيف حالش
ولولا غلاش وحشمتش كان ماجاش
وان قلتي انه غايتش شف بالش
كنه ملك ياعرب من الطاش للطاش
الا يابري حالي وين مالي ومالش
لا والله الا لي ولش نعنبا اللاش
من هامتي لمحزمي لش حلالش
بيتش فديتش واسكني بأوسط الجاش
واما بلشتي بي وانا فيش بالش
غديت مثل اللي شرى علته كاش
انا في وجه امش وابيش وخوالش
ماجيت لي حاجه واعود على ماش
نقلتها لكم ونشالله تعجبكم