نسيتني فرضي؟؟؟؟؟؟؟؟؟.

الجادل اللي تكن القلب وتخضه
شفته وانا زاهد(ن) بالبيض متوضي
لا شافها الديّن اللي ما نسى فرضه
قال ابتعد يالغضي نسّيتني فرضي
عضيت يدي بشوف الناعم الغضه
وانا احترق بالوله ويقول لي مضي
حتى النواجذ بكت من قوة العضه
واثره غرامه ما عاد ينفعه عضي
بالله وش يبري الممدود في ارضه
يا كود من شهْد هاك المبسم الفضي
لا سلهمت ثمّ شفت العين مغْمضه
كن الهدب سيف لا رديت به يرضي
بالله شعرك على مرج الندى قضه
خليه يسقي من ديار العنى ارضي
فداك قلبي فداك النبضه النبضه
لا والله الا فداك العمر مع نبضي
ان صرت ناوي تزيد القلب وترضه
يا شيب عيني لك الخفّاق لو ترضي
ولا قلت لك سيدي ليل الهنا مضه
خلي خفوقي يعيش الليل لا يمضي
وان قلت لي صاحبي طرفك وجب غضه
غضيت طرفي واقوم الليل مع فرضي