©§¤°^°¤§©¤ الياس ¤©§¤°^°¤§©

تكفون ياالاصحـاب روفـو بحالـي

خويكم مـن جـور الايـام محتـاس

ياليتنـي مـن هالهواجيـس خالـي

امسي على هوجاس واصبح بهوجاس

شلت الحمول اللي تفـوق احتمالـي

وضعفي خفيته من عقب قوة البـاس

الصبـر فايـامٍ مضـت راس مالـي

واليوم ابعلنهـا تعـرض للافـلاس

ماعـاد اميزهـا يميـن وشمالـي

متساويه عندي ولاعنـدي احسـاس

وماعاد لـي قـدره ولاعـدة ابالـي

توي شباب وبين الشيب بالـراس..!

ودوني ابغى البـر ابجلـس لحالـي

آبخلا بالنفس من فـوق الاطعـاس

فيهـا تـرد الـروح يرتـاح بالـي

واجـر موالـي ليـا هـب نسنـاس

واهل دمعـي مثـل وبـل الهمالـي

عساي اخفف ضيقةٍ مالهـا قيـاس

وادعي اله الكـون باللـي جرالـي

يـاالله ياالمعبـود ياخالـق النـاس

يـاالله يـاربـي علـيـك اتكـالـي

ياالله تجلـي عنـي الهـم واليـاس