قصيدة اغلى ثلاث

بسم الله الرحمن الرحيم
السلام عليكم ورحمة الله وبركاته

انثر على خدي من الدمـع وانـوح
لين المدامع جـف ماهـن وباحـن
ومشاعري من شان لاصير مفضوح
اكذب على نفسي واقـول استراحـن
اهدي اعصابي وانـا افـور وافـوح
لوفوقـي الدلـه والابريـق فاحـن
لاني فقدت الروح مع تـوأم الـروح
أغلى ثلاث(ن) في حياتـي وراحـن
راحن وباب القلب للحـزن مفتـوح
والنوم عن عينـي دروبـه تناحـن
ورثت من مرواحهن عشرة جـروح
اسكت وهن سكوت ون صحت صاحن
والى لزمت الصمت مـاودي ابـوح
تجردن مـن صمتهـن واستباحـن
يال النصيب اللي كتب لي على اللوح
علقتهـن بيـن المحاجـر وطاحـن
طاحن ويوم الظل ميل علـى الـدوح
كن الحمايم فـي ضلوعـي تلاحـن
ياكسرة الخاطر وياقصـرة الشـوح
ضحيتين الحـرب والحـرب طاحـن
قفن عن عيوني بروق(ن)لهن ضوح
واتلا العهد في شوفهن عقب لاحـن
زينةحياة, ونصف دين, وغـذا روح
اغلى ثلاث(ن) في حياتـي وراحـن

الشاعـر/ مدغـم ابــو شيـبـة

الله يعطيك الصحه والعافيه

تسلم يمينك

على هالعبير اللي نثرته



تحيااااااااااااااااتي

يعطيك العافيه مجرم

قصيدة مؤئره لشاعر غني عن التعريف

لاهنت على النقل الرائع

كل الود

يسلمو شباب على مروركم ومشاركتكم