قصيده نادره للملك فهد رحمه الله

بسم الله الرحمن الرحيم


السلام عليكم ورحمة الله وبركاته..

( ياأيتها النفس المطمئنة ارجعي إلى ربّكِ راضيةً مرضية
فاادخلي في عبادي وادخلي جنّتِي )

صدق الله العظيم..

قصيدة نادرة من تأليف خادم الحرمين الشريفين.رحمه الله..

------

(( .. خادم الحرمين الشريفين الملك.. فهد بن عبد العزيز رحمه الله ..))

عندما كان مريضا في لندن في شهر شوال من عام 1385هجري
حيث بعثها إلى المرحوم الأمير فهد بن سعد يشكو فيها
قسوة المرض حيث قال :


يا بو سعد صارت على أخوك غارات
شهرين أقاسي من شديد الغرابيل

سوالمرض يحمل على أخوك حملات
مافي يدي حيله ولا في يدي حيل

والله فزع من فوق سبع السماوات
وأنا أحمد الله يوم صارت تساهيل

ماينفع الخايف والأيام عجلات
الخوف ماينفع ولا القول والقيل

حنا هل العوجا ولابه مراوات
.شرب المصايب مثل شرب الفناجيل

لاشك أنا مشغول في كل الأوقات
على الذي حنـــــــــا بظله رجاجيل

ماني على نفسي كثيرالحسافات
لا سلم راسه روسنا رفاع با لحيل

حامي حمانا بالليالي المخيفات
لو صار بالــــــعالم كثير الزلايل

فخر العروبه بالعدل والمساواه
هذاك هو فيصل ولا فيه تشكيل

يشهد له اللي شاهدوا منه ليات
ويشهد له التاريخ جيل بعد جيل


القائل
خادم الحرمين الشريفين
الملك فهد بن عبد العزيز ال سعود
رحمه الله

اللهـ يرحمهـ والله انهـ شعر واكبر خمن شعر

ومشكور خيو

الله يرحمهـ ومشكور اخوي

الله يعطيك العافيه

يكفي ان اللي قال القصيدة " فهد بن عبدالعزيز " الله يرحمه

مجرد ذكر اسمه يغني عن الف قصيده

اختيار موفق اخوي مجرم

الله يرحمه ويسكنه الجنه

قصيدة عن الف قصيده

لاهنت اخوي على الاختيار

كل التقدير

الله يرحمه ويجعل قبره روضه من رياض الجنه ويرحمنا جميعا

يسلمو شباب صبايا وشكرن على مروركم