هذه قصيدة في جميع القبائل السعودية ..
أرجو أن تحوز على رضاكم واستحسانكم ..
يالله ياخـالـق اراضـيـن وابـحـار
الـواحـد المعـبـود رازق عبـيـده
الخالـق الغفـار عــلام الاســرار
وفرق شعوب الارض فـي كـل يـده
وابدي واسولف من عذيبـات الاشعـار
ابيـات شعـر والمعـانـي وكـيـده
اشري وابيع واعـرف كيـف بختـار
واختار مـن جـزل البيـوت الفريـده
وذكر تراث وعـز وامجـاد وافخـار
قبـائـل تـومـن بـديـن وعقـيـده
وصلت حضارتنا على سطـح الاقمـار
ابنـا الجزيـر والجـزيـره مجـيـده
في ظـل حكـام لهـم فعـل واشـوار
ال السعـود اللـي تـفـك الضهـيـده
نسل الزعيـم الحاكـم العـادل البـار
مجـدد امجـاد الجـزيـره بجـيـده
حتى اصبحت حره وحنـا لـه انصـار
في ظـل اخـو نـوره هنـوف سعيـده
وصارت لابو تركـي بطولـه وتذكـار
والفخـر والامـجـاد تبـقـى شهـيـده
وخلف لنا املـوك لهـم فعـل واخبـار
الشعـب واحـد والقـيـاده رشـيـده
والامن بانينـه علـى سـاس وجـدار
وقرو علـى العابـث عقوبـه شديـده
وحنا حمـاة الـدار مـن كـل غـدار
ومـا همنـا بطشـه وخبثـه وكيـده
قـبـائـل مالحقـنـاهـم اوعـــار
وعشنا بهـذي الـدار عيشـه رغيـده
والحمـد لله نحمـده سـر واجـهـار
شعـب تكاتـف مـن سنيـن مديـده
ودون الوطن جيش على كـل معبـار
لارفـرف البيـرق ونـادى عقـيـده
بشـرق البـلاد وغربهـا دوم حضـار
وارض الشمـال اللـي نفـوده مديـده
وارض الجنوب اللي تخيضر بالاشجار
جـزيـرة فيـهـا القبـايـل عـديــده
ارض بهـا قحطـان وافيـن الاشبـار
ويـاعـز منـهـم بالشـدايـد بسـيـده
واذكر عتيبـه يـوم للطيـب مغـوار
لا ثـارت الهيجـا وقــرب ضـديـده
وشمر هل الطـولات والجـود مقـدار
اهـل الكـرم واهـل الفعـول الحميـده
وقوم اعنزه مروين الاخصام الامـرار
اولاد وايـل مـن عـصـور عهـيـده
ومطير قـوم تكـرم الضيـف لا زرار
وياويـل خصـم فـي حراهـم وعيـده
واذكر قبيلـة حـرب يانعـم الاخيـار
وتاريخهـم يحكـي سـطـور مجـيـده
واذكـر قبيلـة يـام والطيـب ينـدار
اهـل العـلـوم الوافـيـه والرشـيـده
ثم الدواسـر تجعـل الخصـم منهـار
عيـال زايـد عــز منـهـم سنـيـده
ثم السهول اللي لهـا الطيـب مـدرار
وعـن منهـج العـادات ماهـي محيـده
ثـم اذكـر العجمـان حمايـة الجـار
والمرجلـه والـجـاه فيـهـم عتـيـده
واذكر بنـي مـره طويليـن الاعمـار
مـا ينقـد الـمـري ولا لــه نقـيـده
ثـم الهواجـر لابـة تقـدح الـنـار
اهـل الركـاب اللـي خطاهـا بعـيـده
واذكـر بنـي خالـد قبيلـة وامــار
قوم لهـم فـي المجـد قـول ورصيـده
وبني تميم اللي لهـا الطيـب مصـدار
بنـي تمـيـم وكــل فـعـل تجـيـده
ثم الزعوب اللي بها الخصـم يحتـار
شجعـان ماترضـى ســوا ماتـريـده
العازمي وافي وفـي الطيـب بيطـار
روحه علـى كـل المصاعـب صميـده
ثم الظفيري فـي المصاعيـب جبـار
والطيـب والامـداح باصلـه وطـيـده
ثم اذكـر الاشـراف بجـلال واكبـار
اهـل الحجـاز اللـي تفـك الزهـيـده
ثـم الهذيلـي لـه مواقـف ومـنـدار
راعي الفخـر راعـي العلـوم السديـده
ثم البقوم اللـي لهـم جيـش وامهـار
ريـف الضيـوف ليـا لفاهـم ولـيـده
واذكر ثقيف اللـي لهـم مجـد وآثـار
ومهمـا حسبنـا مـن كــلام نعـيـده
وبلحارث اهل العـز بشهـود واقـرار
ا لحارثـي ياطـيـب فعـلـه وجـيـده
والمالكي معروف لا صـار مـا صـار
في موقف اهـل الطيـب يبـذل جهيـده
واثني تحياتـي عـدد وبـل الامطـار
علـى سليـم وكــل خـصـم تكـيـده
واذكر جهينـه هـل مواقيـف وادوار
تلقـى الجهينـي راسـم الطيـب بـيـده
واذكر بلي والمجدلـه فعـل واظهـار
وتاريخهـم يحـكـي فـعـول فـريـده
وبني عطيه فـي المواجيـب حضـار
قـوم بـوقـت الـجـد قــوم عنـيـده
ثم الحويطـي والكرامـه لـه اشعـار
ثـم الشـراري لــه فـعـول مفـيـده
ثم الرشيدي فـي الصعيبـات صبـار
علـى علـوم الطيـب فعـلـه يـزيـده
وباقي جنوب الـدار والقـاف مـادار
باقـي علـى قلبـي كــلام واشـيـده
زهران نعم القوم في وقـت الاضـرار
والخصـم عينـه مـن لقاهـا سهـيـده
والغامدي معروف له عـزم واصـرار
راعـي المراجـل والعـلـوم المفـيـده
وشمران قوم والجمايـل لهـا اطـوار
وبلـقـرن ســم للقـلـوب النكـيـده
والاكلبـي والمحلفـي مابعـد بــار
والحارثـي طيـبـه وفعـلـه يشـيـده
وبني شهر وبني عمـر سيـف بتـار
قـوم علـى الاخصـام نــار وقـيـده
والاسمري والاحمـري صيتهـم سـار
بيـن القبـايـل والمـواقـف شهـيـده
واذكر عسير الهـول ذربيـن الاذكـار
وابهـا احتموهـا فالسنـيـن الشـديـده
وادهم والصيعر علـى حـد الاقطـار
يحمون حـد الـدار مـن اللـي يريـده
وامشي مع الساحل مـع جملـه افكـار
رسمتـهـا والطـيـر زان اتـغـريـده
وانزل على جيـزان تاريـخ واديـار
ورجــال فيـفـا والقبـايـل عـديـده
وارجوا العذر واهل المواجيـب عـذار
الـي نسيتـه مانذكـر فـي القصـيـده
الواهبـي عـدد ابيـوتـه بــالادوار
مـن شاعـر مـاشـل قلـبـه حقـيـده
شهران ربعي هم هل المـدح والكـار
واهل الكنـد واهـل السيـوف الجديـده
يـوم البلـد مايامـن الزنـد لاثــار
زيزومنـا ابـن مشيـط نعـم الولـيـده
فالجهل شجعـان وفـي السلـم تجـار
مـن بطـن بيشـه للتـهـم لارفـيـده
حبيـت ابيـن موقفـي بيـن شـعـار
وارجـوا سموحتكـم علـى ذا النشـيـده
ماحـب انافـق واتعنصـر تعنصـار
ولا نـي باطيـع اهـل العقـول البليـده
ما كل من طـب البحـر قيـل بحـار
وما كل من شـل الفشـق جـاب صيـده
فالشعـر بستـان بـه ورد وازهــار
والـلـي تعـداهـا بيـوتـه فـقـيـده
واقولها فـي الشعـر تكـرار وامـرار
ضـرف بـلا عنـوان يلغـى بـريـده
وبعض السوالف له مواقـف ومحضـار
وشعـر بـلا معـنـى لــزوم نبـيـده
وصلوا على المرسول شفـاع الابـرار
محـمـد الـهـادي وقــدوة عبـيـده
وللأمانه منقووول
صح لسان قايلها
************************************************** ********************88
« آخـــر الـــمـــشـــاركــــات »
تعال ناظر وش قالوا بقبيلتك..
العرض العادي
