--------------------------------------------------------------------------------
معاناة أم عندما شائت الظروف الزوجية انها تبعدها عن اطفالها..!!
تكفيـن ياطيـور الحـرار افزعيلـي
ابـي عن ديـار الاهـل منـك الاخبــار
تكفيـن حومـي فوقهـم وارجعـي لي
والا ان حصـل لـك حومة داخل الدار
تكفيـن حـول ابيوتهم دوري لي
سبعـة افـروخ يـوم اخليهــم صغـار
شوفي ضنـاي وعودي وانكفي لي
وشلونهـم ياعلهـم صـاروا اكبـار
نسيـوا دفاي ونومهم في شليلـي
وش علمهـم ياعلهم طول الاعمار
قولي لهم ان امكـم لها عويلي
خمسـة اسنين دمعها دوم مـدرار
وقولي لهم اني على طول ليلي
وانوح وليا قـرب الصبح انهـار
كل يوم اقول اغدي حديهم يجي لي
وابكي ليا شفت من الناس زوار
وانا اللي من سبة سوات الحليلي
حالي تردت كل مالها وتنهار
وفرقا ضناي اللي تردت بحيلي
كني على شوفتهم اصلى على نار
ياويلي كـان الله عجـل رحيلـي
وانـا لـي اسنيـن ابـي لوهـي اخبـار
ياعونة الله من يبي يتكي لي
جارت علي بأمر الولي كـل الاقدار
قولي لهم ياطيور قلبـي عليلـي
الله يكـافي قلوبهـم صارت احجـار
وقولي لمن نسيانهم يستحيلي
ياللـي نسيتوهـا ترى الوقـت دوار
ياهيـه ياللي بالسما لك هديلـي
ردي خبـر تكفيـن يكفينـي امــرار
شوفـي اللي نومهـم في شليلي
من آذانـة المغـرب الى وقـت الاسحار
شوفي اللي ماهتني في مقيلي
الا بمقيـل معهـم كبــار وصغــار
وقولي لهم ان كان حملي ثقيلـي
مـره يجــون وعقبهــا شـي ماصار
وانا يتــولاني كريــم جليلــي
ياعلنــي فــي جنتــه وســط الابـــرا
« آخـــر الـــمـــشـــاركــــات »
معــــــــــــــــــــــــــــــاناة أم تتوجد على اطفالها
العرض العادي
