قصيدة الجمس لمحمد ابن الذيب
أنـا لأوزع علـى الـنـاس إبتسامـاتـي ** ياميتـيـن المشـاعـر ويــش يحيـهـا00
حقـك علـي مايدسـم لـي شناباتـي** وفاعايـل النـاس ماتشبـه مباديـهـا00
والفرصـه مواتيـه والطـاري مـواتـي** والشـعـر حـاجـه تعنيـنـي وأعنيـهـا00
لـكــن مـاهــو يـعـبـر عـــن معـانـاتـي** إلا تـعـبـر عـــن الـدنـيـا ضواحـيـهـا00
ومـن تجربـة ربـع قـرن عاشهـا ذاتـي** مـاكـل فــرق يـهـز القـلـب طاريـهـا00
وإذا تحـرش هجوسـي فــي بنيـاتـي** تطابـقـت روس عجميـهـا وياميـهـا00
وألا أمبـراطـورة الخـافـق ومشهـاتـي** تطـربـخ فبـركـة الخـفـاق رجليـهـا00
يـاأول محطـة غـرام مــن محطـاتـي** ليـالـي جمعتـنـي فـيـش يسقيـهـا00
أجـيــش وأنـــا كـبـيـراتٍ طمـوحـاتـي ** وأروح وأنـــا محثـلـهـا ومعطـيـهـا 00
إن كـان حبـش مـن أسـوأ الإحتمالاتـي** كـل إحتمـالات فيهـا سـوء لبيـهـا00
وعليـش قلـبـي ورى الأظــلاع مابـاتـي** ولا يـقـرب ديــارش يــوم أنويـهـا00
يـا كـود جمـس(ن) ماترهبـه المسافاتـي** ملكـعـن بــأول الدنـيـا وتاليـهـا00
منحره لأقبل معا خشمه الطويلاتي** منحـر ذلـول(ن) تـزول بكبـد راعيهـا00
ومرايـتـه دون كبـوتـه عريـظـات** كـفــوف إمـــام مـعــه دعـــوه ويدعـيـهـا00
والـهـولــي يــبــخ وبـلـوفــه بـلـوفـاتــي** يــولـــع الــنـــار ولا مايـطـفـيـهـا00
مابيـنـه وبـيـن هــل نـجـد(ن) علاقـاتـي** لاهــي تدانـيـه ولاهـــو يـدانـهـا 00
وصوته لاريـح بنمـره عقـب زتاتـي** تنهيـت اللـي صـدوق العشـق كاويهـا00
أتنـاحـي يـأهـل المحـبـه بالتنحـاتـي** ولالـقـت بالمـحـبـه مـــن يناحـيـهـا00
ورفارفـه يـوم تصفـق بالمطباتـي ** ردوف بنـت(ن) مــن النعـمـه تدربيـهـا00
إليـا نطحهـا هواهـا فيـت(ن) عاتـي ** تحسـب إنــه مــن الــزود متقفيـهـا00
ومساحتينـه لقامـت تقـبـل وتـاتـي** أصـبـع عـجـوز(ن) كثـيـرات دعاويـهـا00
عليها الأحيـاء يدخـل جـو الأمواتـي** وعليهـا الأمـوات مـدري ويـن أوديهـا 00
يوم يتفلت علـى الطرقـه تفلاتـي** أظعـاف الانفـس علـى الفتنـه يجريهـا00
الـجـكـور أكـبــر عـيـالـه والبنـيـاتـي** الـلـكـزس الـبــرش والbmوأخـيـهـا00
وإن قلـت ياجيـب خـاوه قـال ماحـاتـي** لاكــن ديــره يواليـهـا مــا أواليـهـا00
يشـرب فناجيلـي ويكسـر بيـالاتـي** ويـمـد رجـلـه عـلـى دربــي ويثنيـهـا00
وإن قلت يالفرت قال الفرت سكاتـي ** بعـض الطواريـق مـاودك تلاحيهـا 00
الجمـس إبـداع مـن كـل إتجاهاتـي ** كنـه قصيدتـك ذي اللـي علـى إيهـا00
مصدر(ن) لل(الفجيره) بإسم كرواتي ** يدرس علوم الطبيعه في نواحيها00
وشراه واحد سعودي من إماراتي ** وباعه على حضرمي رايـح(ن) فيهـا00
والحضرمي كـل ماخـزن مـن القاتـي** الحاجـه اللـي علـى بالـه يسويهـا00
إذا بغـى يرهـب كبـار الحكوماتـي** رجلـه علـى قطعـة الفـرجـه مظريـهـا00
ولا خواطـر خفوقـي وآخـر أبياتـي ** قصـايـدي كــل أبيـهـا قــد سمعتيـهـا00
إي والله إني عشقت رظاش بالذاتي** مابـه مساحـه بقلبـي مامشيتيهـا00
يانيـلـي الـعـذب يـادجـلاي وفـراتـي** يـاديـرة الـحـب شـارعـهـا وكبـريـهـا00
ياأبلـغ قصيـده عليهـا مـن حركـاتـي** مايجـلـب الدهـشـه لعيـنـي قاريـهـا00
إذا أنتثـر دمـع عينـش سـوي سواتـي** قولـي بكمـش كذيـا ثــم مشيـهـا00
الـحـزن يــوم المـفـارق عـامـل ذاتــي** فـطـره بالإنـسـان مايـقـدر يخليـهـا. .
الشاعر :محمد بن راشد الذيب العجمي
انشالله تنال اعجابكم
« آخـــر الـــمـــشـــاركــــات »
-----------------من روائع قصائد ابن الذيب --------------------
العرض العادي
