بسم الله الرحمن الرحيم
اولاً اتقدم بالشكر والتقدير لجميع من ساندني ودعمني وقدم لي المشوره وتابع كل تحركاتي كبيرها وصغيرها ويعلم الله انني لااستغرب هذا الاهتمام من ابناء عمومتي سواء القريبين مني او ابناء قبيلة مطير ومن ابناء وطني المملكه العربيه السعوديه وهذا الفضل سأحفظه ماحييت .
واحب اوضح لكم انه كان هناك بروفه لنا نحن الشعراء كانت يوم امس الاثنين الموافق 28/12/1428 وكنت مؤكد الحجز من الرياض الى ابوظبي وفي الليله التي قبلها الم بي عارض صحي مفاجيء ودخلت على اثره المستشفى وطافت الطائره ثم قمت بتأكيد الحجز على الرحله الاخرى من عصر نفس اليوم واتصلت على الاخ عبدالله المصعبي منسق الحجوزات للشعراء وابلغته ماحصل لي بالضبط وقال مافيه اي مشكله ثم كلمني الاخ سالم المزروعي بعد ذلك بقليل وقال يؤسفني انه تم استبعادك بقرار من الاداره وحاولت التفاهم معه وان هناك عذر مبرر ومثبت ولكن دون جدوى .
وان المليون والبيرق بالنسبه لي هي قبيلتي والبرنامج يضيف للشاعر ولايصنعه وهذه تحيه خاصه لابناء قبيلتي اللذين اشعروني بأهتمامهم
وهذه قصيدتي التي كنت سأشارك بها..
اخيـل الكواكـب بالمـدار تسيـر
ولله كــل الامــر والتدبـيـر
تاخذني افكاري وتصحي مواجعـي
وادور طبيـبٍ بالعـلاج خبـيـر
حكيـمٍ بتدبيـره عليـمٍ بواجبـه
يقرأ الحدث قبـل الامـور تصيـر
لجة هواجيسي وهاضت مشاعر ي
غدى لهـا بيـن الظلـوع نفيـر
ماكل قولٍ يطـرب اللـي يسمعـه
ولاكل من يسمـع معـه تفكيـر
لو حلل العـراف كلمـة شاعـر
ماتكسر السلعـه مـن التسعيـر
بديت المعاني في جزيلٍ من الوفاء
ود وفخر فـي صفحـة التحريـر
ابن العرب والمملكـه هـي داري
رمز السلام اللـي علمهـا غيـر
دارٍ معـزي عزهـا واسسـهـا
على العـدل بالصـارم الشطيـر
مطفي مشاعيل الجهالـه والفتـن
مشعـل قناديـل الهـدى تنويـر
واصبح وطن في قلب كل سعودي
به يلتقـي درب الامـن والخيـر
لي الشرف اني من ابنـاء شعبـه
وارض العرب هي بيتـي الكبيـر
واللي يصير مـن العـراق لغـزه
فـي انعكاساتـه لـهـا تأثـيـر
من واقـعٍ فيـه انكسـار الامـه
كسرٍ معه كـم يصعـب التجبيـر
بالعقل لامنـك سبـرت اغـواره
كنـه تـراه بمجـهـر التكبـيـر
اوضاعنا تفرض علينـا الوحـده
حنـا بحاجـة صحـوة الضميـر
امـانـا بالله ثــم بـالـقـاده
وضروفنـا ماتحتـمـل تأخـيـر
تملـي فرقتنـا ووحـدة غيرنـا
وايماننـا فـي وحـدة المصيـر
تنـازع الامـه يهـدم مجـدهـا
من التكاتـف ينهـض التظويـر
تبدي لنا شمس السـلام وتشـرق
ت جلي ضلام العنـف والتهجيـر
اذا اجتمعنـا واتحـد مفهمـونـا
يجـي لنـا بيـن الامـم تقديـر
يبقى الامل حلـمٍ نحـب نعيشـه
يطـرب عليـه السمـع والنظـي
والشعر غصنن كل مامال بالحشا
غنـا ولاغنـا علـيـه الطـيـر
--------------------------------
رساله لقبيلة مطير/
لعيون حمران النواضر جت على البحر الطويل
يوم القصايـد لاح بـراق الشعـر بخيالهـا
شواردٍ لهـا بتفكيـري وفـي عينـي مقيـل
اشعل توهجها من المعنـى وازيـد إشعالهـا
امشي لها درب الوعر واصل بها للمستحيـل
واليارقت لوهي على متن السحاب ارقى لهـا
ماني معنزها اليامالت علـى جـرفٍ يميـل
للغيم اوصلهـا وتبقـى فـي يـدي احبالهـا
ماعاشر الرجل الهزيل ولااكتب الشعر الهزيل
احرص على الجزله واقدرها واحب اسعى لها
عاداتنا مانقبل الهـزلات لـو نعطـي جزيـل
والناس تعرف من مواقفها وطيـب افعالهـا
ماجيت ادور مدة المسكين من كـف البخيـل
ربعي مطير اللي على العزه تشـب عيالهـا
كتابة التاريخ يوم المجـد بالسيـف الصقيـل
اهل المهار اللي مراكيض السعد تبـرى لهـا
--------------------------------
تحياتي للجميع..
احمد الدليمي
« آخـــر الـــمـــشـــاركــــات »
تفاصيل إستبعاد الشاعر (( خالد الحميداني المطيري )) و القصيده التي كان سيشارك فيها..
العرض العادي
