منك العذر وعلي المعذرة
لا تحسب حساب هجر ولا هجير
كل ذنب بتذنبه بستغفره
واحد مايعذرك مافيه خير
دور بصدري وطن واستعمره
عندك من الضلع الأول للأخير
عيش فيني ودمر اللي تدمره
واعتذر لي واعتبر سرك فبير
لاتبشرني بجرح وتذخره
لاتعشمني بحزن وتستخير
ولا تنومني بليل وتسهره
ولا تنام الا ونا جفني سهير
خلني مثل النجوم مبعثرة
عيش فيني لاشهيق ولازفير
لاتقول العفو عند المقدرة
خل قلبك صلب وحسابك عسير
المسامح والزعل للمبزره
والا أنا لاني زعول ولاصغير
ودي أدري كيف للحزن أثمره
ودي أقطف من قساوتك العبير
ودي أجفل من فراقك وأحذره
ودي أعرف لو فقدتك وش يصير
لو تقدر خاطري صدق أكسره
لو صحيح تحبني لا تستشير
أزرع بقلبي سبب يستنفره
أثبت أنك غير وأن الناس غير
شاعرك ما كل بنت تجرجره
حارت به عقول ناس ماتحير
النساء مارحكن فيه شعره
ثار عشق ومالقى شي يثير
أن سكت كن الوقار بمنبره
وأن تكلم زمهرير بزمهرير
مايحضر إلا القلوب مجمهره
وما يغيب الا وعشاقه كثير
أن هجرته تستقر بمحجره
وأن تبعتر رضاه ماعينت خير
اسكنه لكن بعد ماتهجره
ابتسم له بس لا شفته كسير
حن لكن حن لاجبت خبره
حب لكن خل حبك بالأخير
لو عطيته وجهك اعطاك اظهره
صد عنه ويتبعك مثل الضرير
لا تحاول تكسبه ماتخسره
صير ثلج يصير لك مثل السعير
ماتميل إلا الغصون المثمره
ومايسيل من الجروح إلا الغزير
من قبل لاتنقهر منه اقهره
قبل لايستحقرك خلك حقير
استفزه, شتته, فج انحره
اعشق, اكره,عاتب, اشره, حن, غير
أنثره, لملمه, لملمه, أنثره
صد, كابر, طير لو تقدر تطير
من متى ونا تحرالي مره
تثبت أني لاوقعت أوقع كبير
أبك أنا مقطوع من عن اشجره
لا صديق ولافرفيق ولا عشير
ابدوي شيب الصبر اشعره
ماعرف ريش النعام ولا الحرير
ان غفا كن السحاب يدثره
وان صحا يفرش من الرمضا حصير
ماخذ من قسوة البيد أكثره
ومن شموخ البدو شر مستطير
جنته صحراه والشوك أزهره
والسراب بنظرته مثل الغدير
أن فزع يا مشجعه يا مظفره
من خلقه الله وهو قرم وفقير
كان ماتقدره قل ماتقدره
صير غالي صدق ولا لا تصير
الغلا اللي ماتزعزعه اهجره
كان قلبك بل يجار ولا يجير
شوف لك واحد بليد استحقره
واجد اللي يعشون بلا ضمير
بس أنا لو جبت لي مية مره
ماتحرك في شعره لو تطير
الشاعر/حــــــــــ زيدـــــــــــــامد
تقبلو تحياتي
~هدوء شاب~~
« آخـــر الـــمـــشـــاركــــات »
~~قرم وفقير~~
العرض العادي
